Pahladzicie, jak vyhladaje špital u Maryupali paśla bambiožki.
«Astatnija balnicy razbambili. [Trupy] nichto nie zabiraje».
Rasija płanavała zaniać Maryupal za niekalki sutak. Kali blickryh nie ŭdaŭsia, jana raspačała mietadyčnyja abstreły i bambiožki horada.
Maryupal: jak Rasija ściraje ź ziamli samy prarasijski horad Ukrainy
Abłoha Maryupalu praciahvajecca ŭžo bolš za 20 dzion. Miascovyja žychary vymušany vyžyvać biez elektryčnaści, aciapleńnia i vady. Bolš za 350 tysiač haradžan praciahvajuć chavacca ŭ bambaschoviščach i padvałach. Za dzień na horad skidvajuć ad 50 da 100 avijabomb, paviedamlaje Maryupalskaha haradskaja rada.
Prezident Ukrainy Uładzimir Zialenski 6 sakavika nadaŭ Maryupalu zvańnie horadu-hieroja Ukrainy.
Zhodna z dadzienymi Maryupalskaj rady, padčas błakady horadu zahinuli 2187 miascovych žycharoŭ. Tam ža adznačajuć, što realnaja ličba achviar našmat bolšaja, poŭnuju kołkaść zahinułych niemahčyma padličyć.
Rasija nieadnarazova zryvała humanitarnyja kalidory dla evakuacyi maryupalcaŭ. Za čas abłohi z Maryupalu vyjechali kala 6500 mašyn, na ŭłasnym transparcie evakujavalisia kala 30 tysiač čałaviek.
9 sakavika rasijskaja bomba patrapiła ŭ dziciačuju balnicu z radzilnym adździaleńniem. U vyniku bambardziroŭki zahinuli čatyry čałavieki, siarod ich adna dziaŭčynka, paciarpieli 17 čałaviek ź liku lekaraŭ, žančyn i dziaciej.
Maryupal — najbujniejšy ŭkrainski horad na ŭźbiarežžy Azoŭskaha mora. Da vajny ŭ Maryupali žyli zvyš 430 tysiač čałaviek. U 2012 hodzie Maryupal nazvali samym kamfortnym dla pražyvańnia horadam va Ukrainie.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary