U studzieni—červieni 2009 hoda nasielnictva Biełarusi kupiła valuty ŭ bankach na 945 młn. dalaraŭ ZŠA bolš, čym pradało.
Takija źviestki abnarodavany ŭ analityčnym ahladzie Nacyjanalnaha banka «Asnoŭnyja tendencyi ŭ ekanomicy i hrašova‑kredytnaj śfiery Respubliki Biełaruś».
Za taki ž pieryjad 2008 hoda na hetym siehmiencie valutnaha rynka nazirałasia advarotnaja tendencyja — tady nasielnictva pradało valuty bankam na 445,3 młn. dalaraŭ bolš, čym kupiła ŭ ich.
Pavodle Nacbanka, u nazvany pieryjad hetaha hoda asnoŭny abjom čystaha popytu nasielnictva na zamiežnuju valutu pryjšoŭsia na studzień i skłaŭ 588 młn. dalaraŭ ZŠA, što było abumoŭlena «praviedzienymi ŭ pačatku 2009 hoda źmianieńniami ŭ kursavoj palitycy».
Razam z tym, u Nacbanku kanstatujuć, što «pa miery stabilizacyi čakańniaŭ i adaptacyi ŭdzielnikaŭ valutnaha rynku da novaha režymu kursaŭtvareńnia, a taksama z‑za zapavoleńnia tempaŭ rostu realnych hrašovych dachodaŭ nasielnictva, rostu pracentnych stavak pa depazitach u nacyjanalnaj valucie i źnižeńnia stavak pa ŭkładach fizičnych asob u zamiežnaj valucie siaredniamiesiačny čysty popyt nasielnictva na zamiežnuju valutu značna źniziŭsia i ŭ lutym—červieni 2009 hoda skłaŭ 71,4 młn. dalaraŭ ZŠA».
Pavodle źviestak hałoŭnaha banka krainy, u cełym za pieršaje paŭhodździe 2009 hoda ŭ vyniku apieracyj na ŭsich siehmientach valutnaha rynku skłaŭsia čysty popyt na zamiežnuju valutu ŭ pamiery 2 młrd. 467,1 młn. dalaraŭ ZŠA suprać 391,4 młn. dalaraŭ ZŠA za studzień—červień 2008 hoda.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary