У студзені—чэрвені 2009 года насельніцтва Беларусі купіла валюты ў банках на 945 млн. даляраў ЗША больш, чым прадало.
Такія звесткі абнародаваны ў аналітычным аглядзе Нацыянальнага банка «Асноўныя тэндэнцыі ў эканоміцы і грашова‑крэдытнай сферы Рэспублікі Беларусь».
За такі ж перыяд 2008 года на гэтым сегменце валютнага рынка назіралася адваротная тэндэнцыя — тады насельніцтва прадало валюты банкам на 445,3 млн. даляраў больш, чым купіла ў іх.
Паводле Нацбанка, у названы перыяд гэтага года асноўны аб’ём чыстага попыту насельніцтва на замежную валюту прыйшоўся на студзень і склаў 588 млн. даляраў ЗША, што было абумоўлена «праведзенымі ў пачатку 2009 года змяненнямі ў курсавой палітыцы».
Разам з тым, у Нацбанку канстатуюць, што «па меры стабілізацыі чаканняў і адаптацыі ўдзельнікаў валютнага рынку да новага рэжыму курсаўтварэння, а таксама з‑за запаволення тэмпаў росту рэальных грашовых даходаў насельніцтва, росту працэнтных ставак па дэпазітах у нацыянальнай валюце і зніжэння ставак па ўкладах фізічных асоб у замежнай валюце сярэднямесячны чысты попыт насельніцтва на замежную валюту значна знізіўся і ў лютым—чэрвені 2009 года склаў 71,4 млн. даляраў ЗША».
Паводле звестак галоўнага банка краіны, у цэлым за першае паўгоддзе 2009 года ў выніку аперацый на ўсіх сегментах валютнага рынку склаўся чысты попыт на замежную валюту ў памеры 2 млрд. 467,1 млн. даляраў ЗША супраць 391,4 млн. даляраў ЗША за студзень—чэрвень 2008 года.
Цяпер чытаюць
Калеснікава: «Мяне шакуе маштаб нянавісці і агрэсіі». Марыя патлумачыла, што для яе значыць вяртанне да нармальнасці47
Калеснікава: «Мяне шакуе маштаб нянавісці і агрэсіі». Марыя патлумачыла, што для яе значыць вяртанне да нармальнасці
«Усведамляю, што магу стаць першай беларускай, якая наведае ўсе краіны свету». Падарожніца з Мінска размаўляе на 8 мовах і марыць пражыць 200 гадоў1010
Каментары