U Čačersku traich maładych ludziej asudzili da kałonii za naleplenyja stykiery
U sudzie Čačerskaha rajona byŭ vyniesieny prysud pa spravie Vadzima Dzienisienki, palitźniavolenaj Ryty Zotavaj i Mikity Chilkieviča. Sudździa Pavieł Cyhanok prysudziŭ Vadzimu 2,5 hady kałonii ahulnaha režymu, Rycie i Mikitu — pa 2 hady kałonii ahulnaha režymu, paviedamlajuć pravaabaroncy.
Vadzim Dzienisienka — 29-hadovy hukaapieratar Čačerskaha rajonnaha Doma kultury. Vychoŭvaje adnahadovaje dzicia. Mužčynu zatrymali 28 śniežnia 2021 hoda.
Rycie Zotavaj 20 hadoŭ, jana studentka 3 kursu fakulteta psichałohii Homielskaha dziaržaŭnaha ŭniviersiteta imia Francyska Skaryny. Dziaŭčynu zatrymali 9 žniŭnia 2021 hoda, a paśla dopytu adpuścili pad padpisku ab niavyjaździe. 28 śniežnia 2021 hoda jaje ŭziali pad vartu.
Mikitu Chilkieviču — 27, jaho taksama zatrymali 9 žniŭnia 2021 hoda.
Maładych ludziej asudzili za niekalki stykieraŭ, jakija tyja nalapili na terytoryi miascovaj škoły pa darozie ź viečarynki.
Stykiery charaktaryzujucca jak pradmiety«z cyničnym tekstam i vyjavaj «Nadyšoŭ čas vyrašać samim» ź simvałam litary «A» biełaha koleru, źmieščanaj u biełaje koła, jakoje źjaŭlajecca simvałam anarchizmu, ź siłuetam čałavieka, padobnaha da pradstaŭnika pravaachoŭnych orhanaŭ». Abvinavačanyja raźmiaščali nalepki i ŭlotki na słupach i darožnych znakach u Čačersku dva dni: 5-6 červienia 2021 hoda. Hetym, zhodna ź viersijaj abvinavačvańnia, jany «parušyli estetyčnaje ŭsprymańnie budynkaŭ i zbudavańniaŭ i apahanili ich cyničnymi nadpisami i vyjavami».
Milicyju na ich vyklikała dyrektarka škoły Volha Całko.
Ryta Zotava atrymała dva hady kałonii ŭsiaho za adzin nalepleny stykier.
Dzienisienka na sudzie raskazaŭ, što padčas zapisu «pakajalnaha videa» jaho prymusili skazać na kamieru «HUBAZiK vas usich znojdzie». Supracoŭnik skazaŭ jamu, što zaraz znojdzie pałku i stuknie jaho, kali jon nie pramović hetu frazu.
Jak ciapier vyhladaje palitźniavoleny Ihar Łosik FOTA1
Kamientary