Zachodnija lidary: Pilnaść hublać nie varta, naša rašučaść nie pavinna słabieć
Lidary ZŠA, Vialikabrytanii, Francyi, Hiermanii i Italii pieraścierahli krainy Zachadu ad straty pilnaści ŭ dačynieńni da Rasii paśla taho, jak Maskva abviaściła ab rašeńni źmienšyć vajennuju aktyŭnaść pablizu Kijeva i Čarnihava.
Premjer Kanady Džaścin Trudo, Džo Bajden, Ołaf Šolc i Borys Džonsan. Fota: Henry Nicholls — Pool / Getty Images
«Uzhodniena, što rašučaść zachodnich krain nie pavinna słabieć, pakul nie spynicca žach, jaki abrynuŭsia na Ukrainu», — pryvodzić zajavu zachodnich palitykaŭ ofis brytanskaha premjer-ministra Borysa Džonsana.
U aŭtorak prezident ZŠA Džo Bajden pahutaryŭ praz telefon ź lidarami čatyroch jeŭrapiejskich dziaržaŭ. Jahonaja razmova z Borysam Džonsanam, prezidentam Francyi Emanuelem Makronam, hiermanskim kancleram Ołafam Šolcam i italjanskim premjer-ministram Maryjo Drahi była pryśviečanaja situacyi va Ukrainie.
Baki abmierkavali ŭ tym liku, chod ukrainska-rasijskich pieramoŭ u Stambule i dalejšyja miery Zachadu pa strymlivańni rasiejskaj ahresii.
Zajava Maskvy ab skaračeńni aktyŭnaści armii Rasii ŭ rajonach Kijeva i Čarnihava byŭ zroblena paśla zaviaršeńnia ŭkrainska-rasijskaj sustrečy ŭ Turcyi 29 sakavika. Džonsan i Bajden vykazali adnosna hetaha skieptycyzm.
«Brytanski premjer padkreśliŭ, što acenki režymu Pucina treba davać zychodziačy z realnych dziejańniaŭ, a nie słoŭ. Pucin prakručvaje nož u adkrytaj ranie Ukrainy, sprabujučy prymusić krainu i jaje sajuźnikaŭ kapitulavać», — havorycca ŭ paviedamleńni ofisa Džonsana.
Džo Bajden taksama zajaviŭ, što nie pavieryć u toje, pra što kaža Rasija, pakul nie ŭbačyć vyniku jaje dziejańniaŭ. I Bajden, i Džonsan padkreślili, što Zachad pavinien zastavacca zhurtavanym i rašučym u adnosinach z Maskvoj.
Kamientary