U niekatorych handlovych sietkach źnikli tvarožnyja syrki z pandaj «Mi-Šu». Što zdaryłasia?
Pra situacyju piša połackaje vydańnie gorod214.
Havorka pra syrki 26-pracentnaj tłustaści z vanilinam pad handlovaj markaj «Mi-Šu» z vyjavaj pandy na abhortcy, jakija narodzie nazyvajuć «sinieńkimi». Jany źjaŭlajucca chitami prodažaŭ i rekardsmienami pa kolkaści załatych uznaharod, atrymanych na konkursach. Śpiecyjalisty tłumačać papularnaść vysokaj jakaściu vyrabaŭ: dla ich vytvorčaści vykarystoŭvajucca tolki naturalnyja kampanienty — tvaroh, masła, cukar, šakaładnaja hłazura.
Za sutki, jak raspaviała načalnik adździeła markietynhu i zbytu Połackaha małočnaha kambinata Alesia Ivanova, zvyčajna vypuskałasia šeść ton takich syrkoŭ.
Ale ŭ apošni čas vytvorčaść była pastaŭlenaja na paŭzu. Z-za ahulnaj ekanamičnaj situacyi rezka vyraśli ceny na syravinu i ŭpakovačnyja materyjały, pa asobnych pazicyjach — da 40%.
Kab vypuskać pradukcyju nie ŭ škodu sabie, pradpryjemstva pavinna było padniać košt syrka. Zrazumieła, jak by adreahavali na taki siurpryz pakupniki, bo rezkaha rostu zarobkaŭ nie nazirajecca.
Śpiecyjalisty małočnaha kambinata, pa słovach Alesi Ivanovaj, viaduć pieramovy z pastaŭščykami syraviny, kab vyjści na ŭzajemavyhadnyja ŭmovy i praciahnuć narmalnuju pracu pradpryjemstva. Vytvorčaść syrkoŭ zavod užo adnaŭlaje, jany pačynajuć pastupać u handlovyja sietki. «Panda» viartajecca.
U firmovych kramach kambinata, syrki byli ŭ prodažy i padčas vytvorčaj paŭzy. Panda, jak rastłumačyli na pradpryjemstvie, u jakaści firmovaha znaka «Mi-Šu» abranaja tamu, što źjaŭlajecca simvałam miru i siabroŭstva.
Chalezin: Nieŭźlin finansuje Chartyju'97 jašče z prezidenckich vybaraŭ 2010 hoda6
Kamientary