U Minzdaroŭja nie viedali pra fiestyval piva, što maje prajści na hetych vychodnych u Łahojsku.
Na 22‑23 žniŭnia ŭ Łahojsku zapłanavany čarhovy piŭny fiestyval.
Takija samyja mierapryjemstvy adbyvajucca u mnohich krainach śvietu, naprykład, u Hiermanii, ź jakoj i biaruć prykład arhanizatary ajčynnaha šou. Ale ŭ Biełarusi, dzie ałkahalizacyja nabyła pamier nacyjanalnaha biedstva, situacyja vyhladaje dvuchsensoŭnaj.
Pradać, i pabolej
Intares pivavaraŭ zrazumieły. Ich meta — pradać jak maha bolš svajho tavaru. Dazvoł na raspaŭsiudžańnie ałkaholnych napojaŭ na masavych mierapryjemstvach jość, značycca, treba vykarystać hetuju mahčymaść z razmacham. Za dva dni na šou čakajecca kala 15 tysiač čałaviek. Piva budzie licca rakoj.
— Bilet dla niepaŭnaletnich budzie kaštavać 5 tysiač rubloŭ,— tłumačać karespandentu «NN» arhanizatary. — Ale piva jany kupić nie zmohuć!
Pradavacca budzie toje samaje piva, što i ŭ kramach. Tolki šmat, i ŭ adnym miescy.
Niaŭžo milicyja vieryć, što dla padletka budzie prablemaj «zalicca» pad šumok u natoŭpie navat ź piaci tysiač čałaviek?
Nichto nie suprać
Da viasny nastupnaha hoda rychtujecca kančatkovaja zabarona raśpivańnia słabaałkaholnych napojaŭ u hramadskich miescach. A tut vychodzić, što ni Ministerstvu ŭnutranych spravaŭ, ni, zrešty, Ministerstvu achovy zdaroŭja «Kubak piva» nie nadta cikavy.
Uładzimir Maksimčuk, jaki časova zajmaje pasadu hałoŭnaha narkołaha Ministerstva achovy zdaroŭja, zdajecca, upieršyniu pačuŭ navinu pra ałkaholny fiestyval ad «NN»:
— A kali jon budzie? My pra heta ničoha nie viedajem. Nu, napeŭna, usio ŭžo vyrašana na samym vysokim uzroŭni.
Sapraŭdy, jak z honaram raskazvajuć arhanizatary, zhodu na praviadzieńnie mierapryjemstva dali prezident A.Łukašenka i kiraŭnik Minskaj vobłaści Ł.Krupiec.
Kultura pićcia
— Nie treba bajacca rostu spažyvańnia piva, — pierakonvaje kiraŭnik arhkamiteta fiestyvalu Uładzimir Nierozia. — Treba raźvivać u Biełarusi kulturu pićcia.
Na jaho dumku, piva ŭ krainie pradajecca zusim niašmat. Miedyki ličać inakš. Jak paviedamlajuć u Respublikanskim centry hihijeny, epidemijałohii i hramadskaha zdaroŭja, z 1995 hoda abjo¬my prodažu piva pavialičylisia ŭ 2,01 raza, a abjom užyvańnia śpirtovych napojaŭ — z 6,7 da 11,6 litraŭ absalutnaha ałkaholu na čałavieka. Pa ich padlikach, rost uzroŭniu prodažu ałkaholu na 1 litr pryvodzić da rostu zachvorvańnia ałkaholnymi psichozami na 22%, a ahulnaj śmiarotnaści na 2,6%.
«Na rozdum dali paŭhadziny». Nastaŭnicy z Połacka daviałosia zvolnicca z-za tyktok-błoha2
Kamientary