Rasijanie pad Kijevam zabili biazzbrojnych ludziej. Momant trapiŭ na videa
Ludzi, prostyja ludzi hinuć tysiačami ŭ vyniku napadu Rasii na Ukrainu. Adzin z takich epizodaŭ trapiŭ na kamieru drona. Kroŭ u žyłach stynie, kali heta bačyš.
Niamiecki telekanał ZDF apublikavaŭ šakujučy rolik z zapisam taho, jak rasijskija sałdaty zastrelili mirnaha žychara, jaki padniaŭ abiedźvie ruki. Incydent trapiŭ na kadry, jakija zdymaŭ dron nazirańnia.
Usio zdaryłasia poźniaj ranicaj 7 sakavika, na šašy E40, u niekalkich kiłamietrach na zachad ad Kijeva. Na zapisie bačny tank z charakternaj dla rasijskaj techniki markiroŭkaj i ŭzbrojenyja sałdaty, što stajać la darohi. Za niekalki dziasiatkaŭ mietraŭ ad ich zdaryłasia avaryja.
The #German TV channel ZDF published a video showing how #Russian soldiers shoot a civilian who raised his hands up. The man tried to evacuate from #Kyiv by car, but was shot dead. pic.twitter.com/BTPZvpU4sX
Niekalki mašyn, što jechali ŭ tym kirunku, vyrašyli raźviarnucca. Ale adzin kiroŭca, 31-hadovy Maksim Iavienka, spyniŭsia kala miesca avaryi. Jon vyjšaŭ z mašyny z padniatymi rukami i byŭ zastreleny. Žonka mužčyny taksama zahinuła.
Baćka zahinułaha, Siarhiej Iavienka, raspavioŭ žurnalistam padrabiaznaści historyi. Zhodna ź im, usio pačałosia z taho, što ruskija abstrelvali mašyny, i tamu jaho syn vyrašyŭ spynicca. Sałdaty trapili ŭ žonku Maksima, jakaja siadzieła na zadnim siadzieńni i prykryvała saboj ich syna, jany zastrelili jaje. Znajomaja siamji, što jechała razam ź imi, taksama była paranienaja.
Paśla hetaha Maksim vyjšaŭ z mašyny, padniaŭ ruki i zakryčaŭ: «Nie stralajcie, u mašynie dzieci!». Paśla hetaha zastrelili i jaho. Ruskija zabrali z mašyny syna Maksima i znajomuju siamji, ale paźniej ich adpuścili.
Pa stanie na siaredzinu sakavika Siarhiej Iavienka ŭsio jašče nie moh atrymać ad rasijskich sałdat cieły svajho syna i jaho žonki.
Čytajcie taksama:
Jak ciapier vyhladaje vyzvaleny ŭkrainskaj armijaj horad Traścianiec FOTY
Amierykanskaja raźviedka ŭžo naziraje advod častki rasijskich vojskaŭ ad Kijeva
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary