«Na zaboj prosta adpraŭlajuć». Razmovy rasijskich vajskoŭcaŭ z žonkami i maci
«Prykiń, jak jany žyli, tut usio jakasnaje», «nami chacieli dziry pazatykać, usich pierabili». Takija razmovy rasijskija sałdaty viaduć sa svaimi blizkimi. SBU śćviardžaje, što heta pierachoplenyja telefonnyja zvanki. Pryvodzim niekalki dyjałohaŭ.
«Prykiń, jak jany žyli i jak my žyviem»
Sałdat «druhoj armii ŭ śviecie» razmaŭlaje sa svajoj žonkaj:
— Ja tut padkraŭ kaśmietyki vam troški.
— Usio ŭ siamju (śmiajecca).
— Tam probniki, praŭda.
— Nu, ładna, heta pryvitańnie z Ukrainy budzie. Narmalna. Jaki ruski čałaviek nie sapre ničoha, ty što?
— Krasoŭki paśla žanočyja NB, jany firmovyja, 38-y pamier.
— Nu, Sof' i, chaj Sofji…
— Tut usio jakasnaje, usia vopratka.
— Dy tam, mabyć, usie chłopcy nabrali, nie adzin ty.
— Niechta sumkami ŭsio ciahaje. Była b u mianie mahčymaść, ja b noŭtbuk zabraŭ.
— Voś ujavi Sofja pojdzie vučycca, joj noŭtbuk taksama ž treba.
— Tut spartyŭnaja siamja takaja žyvie, ja vitaminaŭ nabraŭ.
— Nu, heta jasna.
— I futbolnych cišotak, i chakiejnych…
— Nu, nabiraj, nabiraj usio, Andrej, što možaš — biary. Usio adno futbołki zaŭždy patrebnyja.
— Šorty, usie tut rečy jakasnyja, kaniešnie, ja afihieŭ kali zajšoŭ u pakoj.
— Prykiń, jak jany žyli i jak my žyviem. Voś jany za heta i bjucca. A spartyŭnych kaściumaŭ tam nie było?
— Dy ŭsio paraźbirali…
— Treba było sabie ŭziać niejki kaścium pryhožy.
«Usie žyvyja pryjeduć?»
Rasijski sałdat vinšuje svaju dziaŭčynu z 8 Sakavika:
— Sa śviatam ciabie. Zastavacca pryhožaj, nie być tupoj ściervaj!
— Dziakuj! A dzie vy?
— Nu tam ža.
— Va Ukrainie?
— Tak.
— A ŭ vas tam usie žyvyja pryjeduć?
— Voś hetaha ja harantavać nie mahu.
Dalej hety sałdat kaža, što admoviŭsia ad vykanańnia svaich abaviazkaŭ, bo nie źbirajecca być «harmatnym miasam».
«U kramu zachodžu voś i biaru»
Razmova sałdata z maci:
— Škarpetki ŭ ciabie jość, rečy jość?
— Ja ŭ kramu zachodžu voś i biaru, usio adčyniena, usio jość.
«Chacieli patronami adzin adnamu nohi prastrelić»
Rasijski vajskoviec raspaviadaje maci, što ŭ jahonaj bryhadzie 320 paranienych i 350 zahinułych. Maci kaža, što pojdzie ŭ vajenkamat i ŭ častku kab syna viarnuli dachaty, toj adkazvaje, što jaho nie viernuć i što ludziam, jakija admaŭlalisia vykonvać zahady, dali turemnyja terminy pa 8 hod.
— Ja tabie pa sakrecie skažu…My chacieli patronami 7.62, ukrainskimi, karaciej, adzin adnamu nohi prastrelić i viarnucca ŭ špital u Budzionaŭsk… Jak pacany rabili. Daj boh dažyć da hetaha.
— Daj boh, daj boh, synulečka mileńki.
«Na zaboj prosta adpraŭlajuć»
Razmova sałdata sa svajoj dziaŭčynaj. Chłopiec kaža, što nichto ź jahonych sasłužyŭcaŭ nie choča vajavać i lepš sieści ŭ turmu:
— Čyhunačnikaŭ nabrali na vajnu, je**ć, što za armija ŭ nas naohuł, na zaboj prosta adpraŭlajuć n***j.
— Nu, tut 100% nie treba nikudy jechać.
— Im p***j, im treba dziry pazatykać, usich pierabili, my zaraz tudy pierajazdžajem na toje miesca.
— Prosta p***c.
«Pacany žančynu zhvałtavali»
Sałdat rasijskaj armii telefanuje svajoj žoncy i raspaviadaje, što niekatoryja sałdaty biez usialakaj mety mohuć stralać, u tym liku z BMP ci hranatamiotaŭ.
«U susiednim siale pacany žančynu darosłuju zhvałtavali i 16-hadovuju dziaŭčynu», — raskazvaje vajskoviec.
Pa hałasach čuvać, što žonka sałdata ŭ šoku i jamu samomu ahidna, jon kaža, što takich treba «rasstralać, n***j».
Maci sałdata z Rasii, jaki zahinuŭ va Ukrainie: Kali b nie bambanuli my, to ŭkraincy bambanuli b pa nas
«Rasijskija vajskoŭcy nie majuć zvyčki źbirać cieły zahinułych — tańniej napisać «źnik bieź źviestak»
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary