Zvolnienaha sa skandałam čynoŭnika viarnuli na raniejšuju pasadu ŭ Homieli
Staršynioj Kamiteta pa sielskaj haspadarcy i charčavańni Homielskaha abłvykankama pryznačany Dźmitryj Pietražycki. Dla jaho heta druhoje pryznačeńnie na hetuju pasadu. Pieršaje jon atrymaŭ u lipieni 2017 hoda, adnak nie pratrymaŭsia i paŭhoda, piša homielskaje vydańnie «Fłahštok».
Uvosień 2017 hoda rajvykankamy Homielskaj vobłaści, šerah pradpryjemstvaŭ i navučalnych ustanoŭ atrymali listy z prośbaj akazać sadziejničańnie va ŭborcy lonu ŭ niekalkich rajonach vobłaści.
Paśla hetaha na ŭborku lonu z usioj Homielskaj vobłaści byli nakiravanyja kałony aŭtobusaŭ z tysiačami pamočnikaŭ.
Heta było rasceniena, jak pravał kamiteta pa sielskaj haspadarcy i charčavańni Homielskaha abłvykankama. Łukašenka zładziŭ z hetaj nahody raznos, zajaviŭšy, što prybrać lon treba było raniej i nie źviartajučysia da dapamohi nasielnictva. U vyniku zapatrabavaŭ pakarać vinavatych i pieradać materyjały ŭ prakuraturu.
Kali tahačasny pieršy namieśnik staršyni abłvykankama Alaksandr Mikałucki praciahnuŭ pracavać, to Dźmitryj Pietražycki svaju pasadu straciŭ i byŭ adpraŭleny na panižeńnie ŭ AAT «Homielabłahraservis». Tut jon prapracavaŭ čatyry hady, spačatku na pasadzie namieśnika, a potym pieršaha namieśnika hienieralnaha dyrektara.
Praz čatyry hady Dźmitryj Pietražycki znoŭ viarnuŭsia ŭ kresła staršyni kamiteta pa sielskaj haspadarcy i charčavańni Homielskaha abłvykankama.
U karjery Dźmitryja Pietražyckaha jość i inšyja charakternyja momanty. Tak, u 2012 hodzie Pietražycki staŭ adnym z samych maładych kiraŭnikoŭ rajonnych administracyj, uznačaliŭšy Łojeŭski rajvykankam u 35 hadoŭ.
Pry hetym, kali bolšaść kiraŭnikoŭ rajonnych administracyj u Homielskaj vobłaści maje sielskahaspadarčuju adukacyju, to ciapierašni kiraŭnik sielskaj haspadarki vobłaści — «technar». U 1999 hodzie Dźmitryj Pietražycki skončyŭ Homielski techničny ŭniviersitet imia Suchoha pa śpiecyjalnaści «sielskahaspadarčyja mašyny».
Dźmitryjeŭ raskazaŭ niemcam, čaho Łukašenka moža chacieć ad Jeŭropy19
Kamientary