Ekśpiert: Udar pa «Maskvie» maje simvaličnaje i vajennaje značeńnie
Prafiesar Majkł Pietersan, dyrektar vyvučeńnia marskoha patencyjału Rasii pry Vajenna-marskim kaledžy ZŠA, skazaŭ BBC, što pakul rana kazać ab tym, nakolki mocnaja škoda naniesienaja krejsieru «Maskva», ale padobna, što ŭkraincam udałosia zdabyć važnuju pieramohu na mory.
«Ja dumaju, jana maje i simvaličnaje, i vajennaje značeńnie, — kaža śpiecyjalist. — Heta fłahman rasijskaha Čarnamorskaha fłotu, jon užo krychu sastareŭ, ale heta ŭsio jašče simvał rasijskaj vajennaj mocy na Čornym mory».
Ukraincy stracili svoj fłot u 2014 hodzie paśla aneksii Kryma, tamu, ličyć Pietersan, sam fakt taho, što ŭkraincy mohuć nanosić takija ŭdary, nadzvyčaj simvaličny i balučy dla rasijskaha kiraŭnictva. Ciapier rasijski fłot moža adčuć nieabchodnaść dziejničać na bolšym addaleńni ad ukrainskaha bieraha.
«Heta moža paŭpłyvać na mahčymaści pramoj ahniavoj padtrymki vojskaŭ i supraćpavietranaj abarony prybiarežnych rajonaŭ. Ja liču, što heta prymusić rasijskich marakoŭ dvojčy padumać», — zaklučaje Majkł Petersan.
Čytajcie taksama:
Ukraincy źniščyli fłahman Čarnamorskaha fłotu — rakietny krejsier «Maskva»
Ciapier čytajuć
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ
Kamientary