Pjer Ryšar zapisaŭ videazvarot da Pucina z asudžeńniem ahresii suprać Ukrainy
Viadomy francuzski akcior 87-hadovy Pjer Ryšar zapisaŭ videazvarot da Pucina z asudžeńniem ahresii suprać Ukrainy. Jon zrabiŭ heta ŭ efiry francuzskaha telekanała BFM.TV.
«Mianie raździraje na častki ad taho, jak rasijskaja armija ŭvarvałasia ŭ Ukrainu. I «ŭvarvałasia» — heta słaba skazana. Heta ŭvarvańnie pieraŭtvaryłasia ŭ masavyja zabojstvy, ja navat skazaŭ by ŭ varvarstva.
Ja ŭpeŭnieny, niama ničoha, što mahło b apraŭdać zabojstvy žančyn, dziaciej i mirnych žycharoŭ — heta prosta žudasna», — padkreśliŭ Ryšar.
Jon adznačyŭ, što pastajanna hladzić naviny i fota z Ukrainy, paśla čaho jaho «bolš čym pierapaŭniajuć emocyi». Ryšar adznačyŭ, što zachaplajecca advahaj i samaaddanaściu ŭkraincaŭ.
«Ja vysoka caniu ich śmiełaść i duch supraćstajańnia, ich samaaddanaść. Ja imi zachaplajusia. Voś što ja chacieŭ vam skazać. Ja nie hublaju nadziei, što heta ŭsio skončycca jak maha chutčej, pakolki praciahvać heta prosta ahidna», — dadaŭ francuzski akcior.
U papiarednija hady Ryšar nieadnarazova pryznavaŭsia ŭ simpatyjach da Rasii. Navat u hetym zvarocie jon adznačyŭ: «Ja viedaju Rasieju, viedaju jaje narod, Ja lublu jaho. Ja dobra viedaju i Ukrainu, i ja taksama lublu narod hetaj krainy».
Kamientary