Zialenski, Bajden, Makron. Jak mianiajecca staŭleńnie biełarusaŭ da suśvietnych lidaraŭ
Niezaležny prajekt pa vyvučeńni hramadskaha mierkavańnia ŭ Biełarusi «Narodnaje apytańnie» apublikavaŭ vyniki apytańnia pra padtrymku suśvietnych lidaraŭ i hieapalityčny vybar pratesnych biełarusaŭ.
U respandentaŭ zapytalisia, jakich suśvietnych palityčnych lidaraŭ jany viedajuć i jak da ich staviacca, a taksama ŭ jakim hieapalityčnym sajuzie treba być Biełarusi.
— Samym papularnym zamiežnym palitykam zastajecca Uładzimir Zialenski. U krasaviku 92% respandentaŭ adkazali, što stanoŭča staviacca da prezidenta Ukrainy.
— Pavialičyŭsia pracent tych, chto stanoŭča stavicca da Džo Bajdena (z 57% u sakaviku da 61% u krasaviku) i Andžeja Dudy (z 76% da 81%). Stanoŭčaje staŭleńnie zachoŭvajecca da prezidenta Litvy Hitanasa Naŭsiedy (78%).
— Adnak značna pahoršała staŭleńnie da Emanuela Makrona. U sakaviku stanoŭča da jaho stavilisia 50% respandentaŭ, u krasaviku — tolki 37%. Mahčyma, źmiena staŭleńnia da prezidenta Francyi abumoŭlenaja biezvynikovymi sprobami damovicca z Uładzimiram Pucinym.
Mienavita dapamoha Ukrainie vyznačaje staŭleńnie da suśvietnych lidaraŭ, adznačajuć aŭtary daśledavańnia. Čym bolš aktyŭna palityki akazvajuć padtrymku Ukrainie, tym lepšaje staŭleńnie da ich z boku pratesna nastrojenych biełarusaŭ.
Pavodle ekśpiertaŭ «Narodnaha apytańnia», vajna źmianiła staŭleńnie prychilnikaŭ pratestu da hieapalityčnaha vybaru. Bolšaść udzielnikaŭ apytańnia miarkujuć, što Biełaruś pavinna znachodzicca ŭ ES. I ad pačatku vajny kolkaść respandentaŭ, jakija tak ličać, pavialičvajecca. U lutym za Jeŭrasajuz vykazałasia 38% respandentaŭ, a ŭ krasaviku hetuju ideju padtrymali ŭžo 60%.
Źmienšyłasia kolkaść ludziej, jakija ličać, što Biełaruś pavinna znachodzicca pa-za hieapalityčnymi sajuzami (z 37% u lutym da 20% u krasaviku). Taksama mienš ludziej padtrymlivajuć sajuz z Rasijaj i ES adnačasova. U lutym za sajuz z RF i ES vykazalisia 24 pracenty, u sakaviku i krasaviku tak ličyć 10-11 pracentaŭ respandentaŭ.
-
Fatohraf z Kalinkavičaŭ zasudziŭ Maskoŭski zaapark, jaki vykarystaŭ biez dazvołu jaho fota norki
-
«Heta jaho paduška biaśpieki». Na trasie pad Minskam zaŭvažyli niezvyčajny sposab pieravozki šyn
-
Łukašenka ŭviazaŭ vyzvaleńnie palitviaźniaŭ z adkryćciom amierykanskaha pasolstva i finansavymi pytańniami
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy16
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary