Kiraŭnik Rasspažyŭnahlada Hienadź Aniščanka ŭ chutkim časie naviedaje Biełaruś.
Jak paviedamiła pres‑słužba rasijskaha viedamstva, vizit Aniščanki adbudziecca pa zaprašeńni biełaruskaha ŭrada. Padčas vizitu projdzie narada pa pytańni vypracoŭki sumiesnych mierapryjemstvaŭ, skiravanych na supraćdziejańnie raspaŭsiudžańniu vysokapatahiennaha hrypu A(N1N1).
U Biełarusi na 26 žniŭnia vyjaŭlena šeść vypadkaŭ infikavańnia hrypam A(N1N1) — u hramadzianina Kitaja, jaki žyvie ŭ Biełarusi, i ŭ piaci dziaciej, jakija viarnulisia ź Vialikabrytanii ŭ składzie hrupy, što vyjazdžała na azdaraŭleńnie.
U susiednich ź Biełaruśsiu krainach taksama zarehistravanyja vypadki pandemičnaha hrypu: u Rasii — 142, va Ukrainie — adzin, u Litvie — 47, Łatvii — 23 i Polščy — 153 vypadki.
Zhodna sa źviestkami Jeŭrapiejskaha centra pa kantroli za zachvorvańniami (ESDS), zachvorvańnie, vyklikanaje virusam hrypu A(H1N1), vyjaŭlena ŭ 156 krainach śvietu i ahulnaja kolkaść paćvierdžanych i zarehistravanych vypadkaŭ infiekcyi skłała 253.169, uklučajučy 2.572 śmiarotnyja vypadki.
Kamientary