«Pakul u krainie biezzakońnie, supraciŭ — naš abaviazak». Jašče dva palitviaźni vyjšli na svabodu
Źmicier Karabiejnik i Ryhor Saładoŭnikaŭ całkam adbyli terminy i vyjšli na volu, paviedamlajuć pravaabaroncy-viasnoŭcy.
Palitźniavolenych maładziečancaŭ Dźmitryja Karabiejnika i Ryhora Saładoŭnikava zatrymali 22 listapada 2020 hoda. Ich abvinavacili ŭ pierakryćci vulicy Vialiki Haściniec u Maładziečnie z raściažkaj «Pakul u krainie biezzakońnie, supraciŭ — naš abaviazak».
31 sakavika Dźmitryja i Ryhora asudzili na 1 hod i 6 miesiacaŭ «chimii».
U kancy lipienia 2021 hoda Karabiejnik byŭ nakiravany dla adbyćcia termina ŭ papraŭčuju ŭstanovu №6, a Saładoŭnikaŭ — u papraŭčuju ŭstanovu №17.
Dniami palitviaźni vyjšli na volu.
Palityčny teror u Biełarusi razharnuŭsia paśla vybaraŭ 2020 hoda. Z zajaŭ kiraŭnikoŭ Hienieralnaj prakuratury i Śledčaha kamiteta vynikaje, što raspačali bolš za 10 tysiač palityčna matyvavanych kryminalnych spraŭ. Bolš za 1200 čałaviek pravaabaroncy pryznali palitźniavolenymi. Siarod ich — eks-pretendenty na pasadu prezidenta Viktar Babaryka, Siarhiej Cichanoŭski, Mikałaj Statkievič, a takama paplečnica Śviatłany Cichanoŭskaj Maryja Kaleśnikava. U źniavoleńni zastajucca i 25 žurnalistaŭ, siarod jakich redaktary «Našaj Nivy» Andrej Skurko i Jahor Marcinovič.
Kamientary