Pačaścilisia vypadki vyjaŭleńnia padroblenych tysiačnych kupiur Centrabanka Rasii.
Pra heta havorycca ŭ raspaŭsiudžanym 28 žniŭnia paviedamleńni ŭpraŭleńnia infarmacyi i hramadskich suviaziaŭ MUS.
Čaściej za ŭsio takija banknoty majuć nastupnyja sieryjnyja numary: bk57…., op91…., am24…., tł57…., n37….
Śpiecyjalisty hałoŭnaha ŭpraŭleńnia pa baraćbie z karupcyjaj i ekanamičnymi złačynstvami MUS Biełarusi adznačajuć, što ŭ paraŭnańni ź minułym hodam u krainie vyjaŭlena na 12% mienš faktaŭ falšyvamaniectva. Pry hetym nazirajecca tendencyja skaračeńnia vypadkaŭ zbytu padroblenych dołaraŭ ZŠA i rost kolkaści złačynstvaŭ, źviazanych z abaračeńniem falšyvych rasijskich rubloŭ.
U MUS kanstatujuć, što parušeńniu zakanadaŭstva ŭ hetaj śfiery sadziejničaje svabodnaja mihracyja hramadzian sajuznaj dziaržavy. Da 70% padroblenaj zamiežnaj valuty, kanfiskavanaj na terytoryi Biełarusi, pastupiła mienavita z Rasii. U bolšaści vypadkaŭ falšyvyja hrošy ŭvoziać dobrasumlennyja zbytčyki — hastarbajtery, jakija vyjazdžajuć za tavaram, pradprymalniki, hramadzianie, jakija ažyćciaŭlajuć turystyčnyja i haściavyja pajezdki. Jak praviła, falšyvyja banknoty naminałam 1.000 rubloŭ RF vyjaŭlajucca ŭ punktach abmienu valut u pryhraničnych z Rasijaj abłaściach — Viciebskaj, Homielskaj, Mahiloŭskaj, a taksama ŭ Minsku. Niaredka imi raźličvajucca pakupniki bytavoj techniki, srodkaŭ mabilnaj suviazi i pry apłacie za voźnictva.
MUS źviarnułasia da hramadzian z prośbaj nie kuplać valutu z ruk i nie ŭdzielničać u sumniŭnych ździełkach, u tym liku znachodziačysia za miažoj.
Ciapier čytajuć
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma5
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary