Hałoŭčanka raskazaŭ, u jakoj valucie biełarusam lepš zachoŭvać źbieražeńni
Asnova źbieražeńniaŭ — biełaruskija rubli. Mienavita ŭ hetaj valucie paraiŭ zachoŭvać svaje nazapašvańni biełarusam premjer-ministr Raman Hałoŭčanka, paviedamlajuć «Minsk-Naviny».
Sam premjer-ministr zachoŭvaje hrošy ŭ biełaruskich rublach, chacia taksama maje valutny ŭkład «z tych časoŭ, kali ŭ MZS atrymlivaŭ častku zarpłaty ŭ zamiežnaj valucie».
Hałoŭčanka raspavioŭ pra pryncypy inviestaraŭ, da jakich paraiŭ prysłuchoŭvacca:
— Pieršy pryncyp — heta kłasika: «zachoŭvajcie hrošy ŭ aščadnaj kasie», druhi — zachoŭvać dachody ŭ toj valucie, u jakoj vy ich atrymlivajecie.
Pry hetym kiraŭnik urada źviarnuŭ uvahu, što ŭ hetym pravile jość vyklučeńni, kali, naprykład, dachody atrymlivajuć u adnoj valucie, a dla zakupak impartu patrabujecca inšaja.
— Vielmi važna nie kidacca z valuty ŭ valutu. Nie biehać mianiać rubli na dalary, dalary na jeny, sprabavać niešta na hetym vyjhrać. U niejkim momancie, moža, niešta atrymajecca, jak u kazino, ale čaściej pa statystycy nie atrymlivajecca. Asabliva ciapier, kali biełaruskaja valuta siabie adčuvaje dastatkova ŭpeŭniena i istotna ŭmacoŭvajecca jak da dalara, tak i da jeŭra. U hetych umovach vybar vidavočny, — zajaviŭ Hałoŭčanka.
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10
Kamientary