Pra zachop rasijskimi vojskami 80% horada Sievieradaniecka paviedamiŭ kiraŭnik Łuhanskaj abłasnoj vajennaj administracyi Siarhiej Hajdaj u efiry nacyjanalnaha telemarafona. Pavodle jaho słoŭ, vuličnyja bai ŭ horadzie praciahvajucca. U toj ža čas Hajdaj zaklikaŭ «nie stavić kryž na Sievieradoniecku», bo za jaho buduć bicca da kanca.
Hienštab USU u viačerniaj zvodcy taksama adznačaŭ, što rasijskija vajskoŭcy ŭstalavali kantrol nad uschodniaj častkaj Sievieradaniecka.
Raniej 1 červienia mer horada Alaksandr Struk u intervju Reuters paviedamiŭ, što kala 60% Sievieradaniecka pierajšli pad kantrol rasijskich vajskoŭcaŭ. Jašče 20% kantraluje Ukraina, a astatnija terytoryi mer nazvaŭ «ničyjnaj ziamloj». Pa jaho słovach, ukrainskija siły adčajna sprabujuć zatrymać nastupleńnie.
«U nas jość nadzieja, što, niahledziačy ni na što, my vyzvalim horad i nie dazvolim całkam jaho akupavać», — skazaŭ Struk žurnalistam.
Mer taksama paviedamiŭ, što na siońniašni dzień u Sievieradaniecku zastajecca kala 12-13 tysiač čałaviek, adnak amal usia haradskaja infrastruktura razburanaja, a dastavić u horad pradukty charčavańnia abo humanitarnuju dapamohu zvonku niemahčyma.
Kamientary