Cichanoŭskaja: Admiena sankcyj pryniasie Pucinu i Łukašenku finansavuju pieradyšku i falšyvaje adčuvańnie pieramohi
Śviatłana Cichanoŭskaja vykazałasia pra ideju źniać sankcyi na biełaruski kalij u abmien na «kalidor» dla ŭkrainskaha zbožža praz terytoryju Biełarusi. List sa svajoj pazicyjaj lidarka biełaruskaj demakratyčnaj supolnaści adpraviła hienieralnamu sakrataru AAN, prezidentu ZŠA i staršyni Rady Jeŭrasajuza.
U liście Cichanoŭskaja napisała, što admiena sankcyj pryniasie Pucinu i Łukašenku finansavuju pieradyšku i falšyvaje adčuvańnie pieramohi.
Heta ŭmacuje ichnuju pierakananaść, što hvałt akuplajecca i pryviadzie da novych represij u Biełarusi i bolšaj ahresii va Ukrainie.
Cichanoŭskaja miarkuje, što błakada ŭkrainskich partoŭ pavinna być nieadkładna źniataja. Mienavita heta, a nie pasłableńnie sankcyj, zabiaśpiečyć dostup ukrainskaha zbožža na suśvietnyja rynki.
Taksama jana adznačaje, što pazicyja AAN pavinna być vyrazna sfarmulavanaja: treba akazvać cisk na Rasiju, a nie na Ukrainu i na biełaruski narod canoj ich biaśpieki i budučyni jak niezaležnych i suvierennych krain.
Łukašenka, na dumku Cichanoŭskaj, straciŭ zdolnaść prymać suvierennyja rašeńni, jaho nie ličać minimalna nadziejnym bokam dla zaklučeńnia pahadnieńniaŭ. Jon straciŭ subjektnaść, nie havoryć i nie dziejničaje ad imia biełaruskaha naroda.
Tamu zamiest taho, kab zdymać sankcyi z Łukašenki, ich, naadvarot, nieabchodna ŭzmacnić, pašyryć ich miežy i palepšyć ich vykanańnie.
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3131
Kamientary