Ціханоўская: Адмена санкцый прынясе Пуціну і Лукашэнку фінансавую перадышку і фальшывае адчуванне перамогі
Святлана Ціханоўская выказалася пра ідэю зняць санкцыі на беларускі калій у абмен на «калідор» для ўкраінскага збожжа праз тэрыторыю Беларусі. Ліст са сваёй пазіцыяй лідарка беларускай дэмакратычнай супольнасці адправіла генеральнаму сакратару ААН, прэзідэнту ЗША і старшыні Рады Еўрасаюза.
У лісце Ціханоўская напісала, што адмена санкцый прынясе Пуціну і Лукашэнку фінансавую перадышку і фальшывае адчуванне перамогі.
Гэта ўмацуе іхную перакананасць, што гвалт акупляецца і прывядзе да новых рэпрэсій у Беларусі і большай агрэсіі ва Украіне.
Ціханоўская мяркуе, што блакада ўкраінскіх партоў павінна быць неадкладна знятая. Менавіта гэта, а не паслабленне санкцый, забяспечыць доступ украінскага збожжа на сусветныя рынкі.
Таксама яна адзначае, што пазіцыя ААН павінна быць выразна сфармуляваная: трэба аказваць ціск на Расію, а не на Украіну і на беларускі народ цаной іх бяспекі і будучыні як незалежных і суверэнных краін.
Лукашэнка, на думку Ціханоўскай, страціў здольнасць прымаць суверэнныя рашэнні, яго не лічаць мінімальна надзейным бокам для заключэння пагадненняў. Ён страціў суб'ектнасць, не гаворыць і не дзейнічае ад імя беларускага народа.
Таму замест таго, каб здымаць санкцыі з Лукашэнкі, іх, наадварот, неабходна ўзмацніць, пашырыць іх межы і палепшыць іх выкананне.
Цяпер чытаюць
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў56
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1818
Каментары