Eks-supracoŭnica rasijskaha Pieršaha kanała, što pakazała ŭ efiry antyvajenny płakat, pierajechała ŭ Adesu
Eks-supracoŭnica Pieršaha kanała Maryna Aŭsiańnikava apublikavała ŭ «fejsbuku» fota z Adesy.
«Rodnaja Adesa sustreła mianie pustymi hatelami i zaminavanymi plažami. Kupacca zabaroniena. Rasijskija vajskovyja karabli pastajanna abstrelvajuć horad z mora. Nichto nie moža sprahnazavać, kudy prylacić čarhovy snarad. Usia nadzieja tolki na daskanałuju sistemu SPA. Ale časam jana nie ratuje. Adna rakieta trapiła ŭ prybiarežny hatel, inšaja — u šmatpaviarchovy dom. Zahinuli 8 čałaviek, u tym liku niemaŭla. Budaŭniki ŭžo pačali adnaŭlać razburanyja siekcyi doma», — napisała Aŭsiańnikava.
Jana adznačaje, što horad vyhladaje pustym, a ludzi žyvuć u pastajannym strachu.
Ab supracoŭnicy rasiejskaha Pieršaha kanała Marynie Aŭsiańnikavaj śviet daviedaŭsia, kali jana praviała antyvajennuju akcyju ŭ žyvym efiry prahramy «Vriemia». Aŭsiańnikava razharnuła za śpinaj televiadoŭcy Kaciaryny Andrejevaj płakat sa słovami « No war. Spynicie vajnu. Nie viercie prapahandzie. Tut vam chłusiać. Russians against war». Aŭsiańnikava niekalki razoŭ paŭtaryła «Spynicie vajnu! Nie vajnie!», pakul režysiory efiru nie pierakryli malunak sa studyi kadrami siužetu, da jakoha Andrejeva čytała padvodku.
-
«Abaniemient na spakojnaje žyćcio anulavany». Kamandujučy Siłami BPŁA Ukrainy prakamientavaŭ nalot na Maskvu i znoŭ pryhraziŭ Łukašenku
-
Vialikaja ataka dronaŭ na Maskvu i vobłaść. Jość achviary, haryć naftanaliŭnaja stancyja ŭ pryharadzie
-
USU: Ukrainska-biełaruskuju miažu pieratvaryli ŭ nieprystupnuju krepaść FOTY
Kamientary