Nieruchomaść

Pryhožuju vodanapornuju viežu ŭ Minsku vystavili na prodaž

Heta adziny padobny abjekt, jaki zachavaŭsia ŭ horadzie. Kupić jaje prapanujecca za 600 tysiač dalaraŭ (1 młn 560 tysiač rubloŭ).

Fota AN «Silvan-Inviest»

Vieža ŭ nieahatyčnym styli ŭpieršyniu zhadvajecca ŭ dakumientach u 1910 hodzie, pabudavanaja jana była, chutčej za ŭsio, na pačatku XX stahodździa. Budynak znachodziŭsia pobač z Bresckim čyhunačnym vakzałam i słužyŭ dla zapraŭki vadoj paravozaŭ, a taksama dla padačy vady ŭ pasiołki rabočych-čyhunačnikaŭ. Taŭščynia ścien viežy składaje adzin mietr. Raniej u vierchniaj jaje častcy raźmiaščalisia dva mietaličnyja baki, kožny źmiaščaŭ pa 80 ton vady, paviedamlaje «Kufar-nieruchomaść».

Budynak źjaŭlajecca historyka-kulturnaj kaštoŭnaściu. Da 1991 hoda jon naležaŭ Biełčyhuncy, a zatym pierajšoŭ da pryvatnaha ŭładalnika. Z taho času było niekalki sprob jaho rekanstrujavać. Jak raspaviali ŭ ahienctvie nieruchomaści «Silvan-Inviest», jakoje viadzie abjekt, u 2008 hodzie budynak pierapradali, uładalnik raspracavaŭ prajekt stvareńnia architekturnaj majsterni na vierchnich pavierchach i žyłych pamiaškańniaŭ — na nižnich, vykanaŭ nieabchodnyja raboty dla zachavańnia budynka.

Ciapier dla viežy šukajuć novaha ŭładalnika i patencyjnaha inviestara, jaki pravioŭ by renavacyju z rekanstrukcyjaj i adkryŭ by ŭ budynku hramadska karysnuju prastoru. Naprykład, ofis, restaran, mini-hatel. Vieža znachodzicca kala ažyŭlenaj mahistrali, pobač z novym mikrarajonam «Minsk-Mir», niepadalok budujecca stancyja mietro «Aeradromnaja».

Ahulnaja płošča budynka składaje 166 kvadratnych mietraŭ, usiaredzinie viežy ciapier šeść pavierchaŭ i niezavieršanaja leśvica. Pry hetym majecca ŭzakonienaja mahčymaść nadbudovy i pašyreńnia płoščy da 600 m2. Prajektam praduhledžanaja ŭstanoŭka lifta, a na asnovie byłoha stalovaha baka možna zrabić 35-kubovy basiejn. Da budynka prylahaje ŭčastak płoščaj 8,33 sotki.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.
Usie naviny →
Usie naviny

Kanapackaja patłumačyła, što aznačaje jaje paručalnictva za Pačobuta5

Pucin i Alijeŭ abnialisia paśla sustrečy na samicie ŭ Dušanbe6

Jašče adzin bank źniziŭ staŭki pa kredytach na novabudoŭli1

«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?9

U staličnym hipiermarkiecie pastavili razumnyja vahi sa štučnym intelektam. Jak pracuje technałohija?9

Vieterana-afhanca z Žyličaŭ asudzili na 12 hadoŭ za palityku, u tym liku za zdradu dziaržavie7

Pavieł Duraŭ apublikavaŭ depresiŭna-piesimistyčny prahnoz na budučyniu30

Namibija stała suśvietnym lidaram pa kolkaści žančyn na top-pazicyjach — prezidentka, vice-prezidentka i śpikierka. Ale jość niuansy8

Hlińnik: Vystup Mielnikavaj na apošniaj kanfierencyi byŭ dziŭny — jana kazała, jak choča dadomu24

bolš čytanych navin
bolš łajkanych navin

Aryštavany Alaksandr Šakucin31

Aryštavany Alaksandr Šakucin

Hałoŭnaje
Usie naviny →

Zaŭvaha:

 

 

 

 

Zakryć Paviedamić