Gulagu.net: FSB stvaryła katavalny kanviejer dla ŭkrainskich pałonnych u SIZA, dla ich demaralizacyi rychtujuć fejkavyja ŚMI
U Rastoŭskaj vobłaści i inšych rehijonach Rasii skončylisia miescy ŭ turmach — rasijskich źniavolenych pieravoziać, uščylniajuć, a turmy pieraabstaloŭvajuć dla ŭkrainskich pałonnych. Dla demaralizacyi apošnich taksama stvorać paralelnuju realnaść. Pra heta raspavioŭ pravaabaronca Uładzimir Asiečkin, zasnavalnik prajekta Gulagu.net.
Pa słovach Asiečkina, u Rasii na bazie SIZA stvoranyja dziesiać kancłahieraŭ dla ŭkrainskich vajskoŭcaŭ, dzie da ich užyvajuć katavańni i mietady cisku. U pryvatnaści, «katavalny kanviejer», pa słovach Asiečkina, stvorany ŭ SIZA Tahanroha.
Sa słoŭ Asiečkina, havorka idzie bolš čym pra 1000 čałaviek, jakich vykrali z terytoryi Ukrainy. Kantrol za pałonnymi ažyćciaŭlaje FSB, uzajemadziejničajuć ź imi bajcy śpiecnaza.
Pavodle źviestak Asiečkina, dla katavańniaŭ taksama vykarystoŭvajecca MATB №19 — Mižabłasnaja tubierkuloznaja balnica pa Rastoŭskaj vobłaści — tam dziejničaje katavalny kanviejer pa anałohii z Sarataŭskaj ATB, «tolki zamiest švabry, jakuju ŭvieś śviet ubačyŭ, tam užyvajecca karnaja psichijatryja, ludziej zakołvajuć psichatropami».
Akramia taho, adna z krynic Gulagu.net paviedamiła, što ciapier FSB prystupiła da vyrabu fejkavych haziet i navat radyjo — i telepieradač, jakija buduć imitavać ukrainskija ŚMI, kab vajennapałonnym va ŭmovach infarmacyjnaj izalacyi davać fejkavuju infarmacyju pra razhrom ukrainskaha vojska, «za vami nichto nie pryjdzie, vas nichto nie ŭratuje, Ukraina ŭžo pad kantrolem rasijskich siłavikoŭ».
Meta — demaralizavać vajennapałonnych, kab «ludzi apuścili ruki i pahadzilisia zamiest pakut, katavańniaŭ padpisvać niejkija pakazańni, siabie ahavorvać, niejkich trecich asob, kab dapamahčy sfalsifikavać hety psieŭdatrybunał».
Pavodle infarmacyi Asiečkina, mnohich pałonnych nie buduć abmieńvać, a pakinuć dla tak zvanych trybunałaŭ.
«Adzin trybunał rychtujecca na terytoryi tak zvanaj «ŁDNR», a druhi, mahčyma, paźniej budzie pravodzicca ŭ Rasii dla taho, kab u vačach pucinskaha elektaratu apraŭdać vajnu».
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1212
Kamientary