Padvodziačy vyniki hoda padčas vystupleńnia ŭ studyi na abłasnym telebačańni, staršynia Viciebskaha harvykankama Alaksiej Hierojeŭ raskazaŭ, što miesca dla płoščy Hierba i Ściaha ŭ horadzie vybrali sami haradžanie praz hałasavańnie na sajcie haziety «Vićbičy». Ale prablema ŭ tym, što sapraŭdnyja vyniki ŭłady praihnaravali, zaŭvažaje telehram-kanał «Vitiebsk, ja hulaju!»
Pavodle słoŭ čynoŭnika, 70% udzielnikaŭ apytańnia nibyta vykazalisia za park 1000-hodździa Viciebska, dzie i pačali ŭstaloŭvać fłahštok.
U toj ža čas zachavaŭsia zapratakalavany skrynšot vynikaŭ hałasavańnia, jaki śviedčyć, što za park 1000-hodździa Viciebska ŭ hałasavałcy było padadziena ŭsiaho 23,78% hałasoŭ udzielnikaŭ — i heta tolki treci vynik z prapanavanych varyjantaŭ. A 39,75% udzielnikaŭ vykazalisia za varyjant «inšaje»: ich nie zadavoliła nivodnaje z prapanavanych miescaŭ.
Ludzi stajać u čarzie pa dvoje sutak — znoŭ pa kvatery ŭ Minsku5
Kamientary