Biełaruś i Vieniesueła pavinny ŭvajści ŭ novy suśvietny aljans. Pra heta zajaviŭ u Minsku prezident Vieniesueły Uha Čavies.
Biełaruś i Vieniesueła pavinny ŭvajści ŭ novy suśvietny aljans. Pra heta zajaviŭ na sustrečy z Alaksandram Łukašenkam u Minsku prezident Vieniesueły Uha Čavies.
«My pavinny stvaryć novy Sajuz Respublik, — skazaŭ vysoki hość. — Heta nie budzie sajuz savieckich ci sacyjalistyčnych respublik, heta buduć svabodnyja respubliki sa svaimi ŭłasnymi sistemami, ale abjadnanyja ŭ sajuz».
Vieniesuelski lider padkreśliŭ, što Biełarusi i Vieniesuele ŭ bližejšy čas treba jašče raz prapracavać usie pytańni, kab zhurtavacca jašče bolš. Heta asabliva aktualna na fonie suśvietnaha kryzisu.
Pa słovach Uha Čaviesa, kryzis — heta pieryjad, kali niešta pamiraje, ale pamiraje nie da kanca, i ŭ toj ža čas naradžajecca niešta novaje. Tamu treba prykłaści namahańni, kab paśpiachova ažyćciavić heta novaje ŭ žyćcio.
«Siońniašniaja suśvietnaja sistema słužyć mienšaści, — padkreśliŭ prezident Balivaryjanskaj Respubliki. — Tamu my pavinny abjadnać svaje namahańni, kab zabiaśpiečyć intaresy bolšaści».
Kažučy ab novym suśvietnym palityčnym aljansie, Uha Čavies rastłumačyŭ, što hetaja ideja nie praduhledžvaje unifikacyju ŭsich u adnym ciesnym błoku, ale dapuskaje mnostva roznych błokaŭ, roznych «małych jadraŭ», pry hetym abjadnanych u adzin aljans.
«Hety aljans miarkuje finansavaje, ekanamičnaje, technałahičnaje, kulturnaje i inšaje supracoŭnictva i vypracoŭku novaj adzinaj stratehii raźvićcia», — skazaŭ vysoki hość.
Uha Čavies taksama adznačyŭ, što dziakujučy ciesnamu supracoŭnictvu pamiž Biełaruśsiu i Vieniesuełaj ciapier ŭsia Łacinskaja Amieryka viedaje ab Biełarusi, viedaje, jak nazyvajecca jaje stalica i jak zavuć jaje prezidenta. «Niekalki hadoŭ tamu nichto nie viedaŭ pra heta, — dadaŭ vieniesuelski lider. —
Kali ja ŭ svoj čas pryjechaŭ da Fidela Kastra i raspavioŭ ab tych vynikach, jakich my dabilisia ŭ adnosinach ź Biełaruśsiu, jon skazaŭ mnie: «Čavies, ty padobny da Kałumba».Bolš adkryvajučy adzin adnaho, Biełaruś i Vieniesueła zmohuć abjadnacca, kab stvaryć adzinuju stratehiju dziejańniaŭ, ličyć Uha Čavies.
Prezident Bolivaryjanskaj Respubliki taksama padzialiŭsia z Alaksandram Łukašenkam svaimi ŭražańniami ad jazdy na biełaruskim aŭtobusie, jakuju jon praekzamienavaŭ učora. «Mnie spadabałasia być kiroŭcam aŭtobusa. Ja chaču, kab takija aŭtobusy jeździli pa Vieniesuele», — skazaŭ Uha Čavies.
Anžalika Mielnikava paśla źniknieńnia nabyła dźvie kvatery ŭ Minsku90
Anžalika Mielnikava paśla źniknieńnia nabyła dźvie kvatery ŭ Minsku
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?2323
Kamientary