Беларусь і Венесуэла павінны ўвайсці ў новы сусветны альянс. Пра гэта заявіў у Мінску прэзідэнт Венесуэлы Уга Чавес.
Беларусь і Венесуэла павінны ўвайсці ў новы сусветны альянс. Пра гэта заявіў на сустрэчы з Аляксандрам Лукашэнкам у Мінску прэзідэнт Венесуэлы Уга Чавес.
«Мы павінны стварыць новы Саюз Рэспублік, — сказаў высокі госць. — Гэта не будзе саюз савецкіх ці сацыялістычных рэспублік, гэта будуць свабодныя рэспублікі са сваімі ўласнымі сістэмамі, але аб’яднаныя ў саюз».
Венесуэльскі лідэр падкрэсліў, што Беларусі і Венесуэле ў бліжэйшы час трэба яшчэ раз прапрацаваць усе пытанні, каб згуртавацца яшчэ больш. Гэта асабліва актуальна на фоне сусветнага крызісу.
Па словах Уга Чавеса, крызіс — гэта перыяд, калі нешта памірае, але памірае не да канца, і ў той жа час нараджаецца нешта новае. Таму трэба прыкласці намаганні, каб паспяхова ажыццявіць гэта новае ў жыццё.
«Сённяшняя сусветная сістэма служыць меншасці, — падкрэсліў прэзідэнт Баліварыянскай Рэспублікі. — Таму мы павінны аб’яднаць свае намаганні, каб забяспечыць інтарэсы большасці».
Кажучы аб новым сусветным палітычным альянсе, Уга Чавес растлумачыў, што гэтая ідэя не прадугледжвае уніфікацыю ўсіх у адным цесным блоку, але дапускае мноства розных блокаў, розных «малых ядраў», пры гэтым аб’яднаных у адзін альянс.
«Гэты альянс мяркуе фінансавае, эканамічнае, тэхналагічнае, культурнае і іншае супрацоўніцтва і выпрацоўку новай адзінай стратэгіі развіцця», — сказаў высокі госць.
Уга Чавес таксама адзначыў, што дзякуючы цеснаму супрацоўніцтву паміж Беларуссю і Венесуэлай цяпер ўся Лацінская Амерыка ведае аб Беларусі, ведае, як называецца яе сталіца і як завуць яе прэзідэнта. «Некалькі гадоў таму ніхто не ведаў пра гэта, — дадаў венесуэльскі лідэр. —
Калі я ў свой час прыехаў да Фідэля Кастра і распавёў аб тых выніках, якіх мы дабіліся ў адносінах з Беларуссю, ён сказаў мне: «Чавес, ты падобны да Калумба».Больш адкрываючы адзін аднаго, Беларусь і Венесуэла змогуць аб’яднацца, каб стварыць адзіную стратэгію дзеянняў, лічыць Уга Чавес.
Прэзідэнт Боліварыянскай Рэспублікі таксама падзяліўся з Аляксандрам Лукашэнкам сваімі ўражаннямі ад язды на беларускім аўтобусе, якую ён праэкзаменаваў учора. «Мне спадабалася быць кіроўцам аўтобуса. Я хачу, каб такія аўтобусы ездзілі па Венесуэле», — сказаў Уга Чавес.
Цяпер чытаюць
Міжнародны крымінальны суд пачаў расследаванне злачынстваў, здзейсненых рэжымам Лукашэнкі13
Каментары