Žurnalisty vyjavili imiony 4 tysiač zahinułych rasijskich vajskoŭcaŭ. Pra što kažuć hetyja ličby?
Jak adznačaje BBC, dakazanaja kolkaść zahinułych rasijskich vajskoŭcaŭ — daloka nie poŭny śpis strat, a tolki toje, pra što paviedamlajecca ŭ adkrytych krynicach. Hetaja infarmacyja dazvalaje praanalizavać toje, što adbyvajecca z rasijskaj armijaj na vajnie.
Imkliva raście kolkaść zabitych dobraachvotnikaŭ. Pry hetym 20% ad ich kolkaści — mužčyny ad 50 hadoŭ i starejšyja. Heta taja katehoryja, pra hibiel pradstaŭnikoŭ jakoj paviedamlajuć čaściej za astatnija.
Bolš za 17% zahinułych — heta aficery (u tym liku adkryta zajaŭlena pra hibiel 4 hienierałaŭ i 21 pałkoŭnika). Heta asablivaść rasijskaj armii: bolšaść funkcyj pa kiravańni padraździaleńniem u bai biaruć na siabie mienavita aficery, u toj čas jak u armijach krain NATA niekatoryja padobnyja zadačy ŭskładzienyja na siaržantaŭ.
Za čatyry miesiacy vajny Rasija straciła jak minimum 42 vajskovych lotčykaŭ. Pa acency brytanskaj raźviedki, heta źviazana z tym, što padrychtoŭka piłotaŭ u Rasii šmat hadoŭ išła pa strohim i zaćvierdžanym scenaryi z metaj urazić vysokapastaŭlenaje kiraŭnictva. Heta pieraškadžała maładym piłotam navučycca chutka prymać samastojnyja rašeńni.
20% zahinułych, imiony jakich ustanoŭlenyja, słužyli ŭ pavietrana-desantnych vojskach, 19% — u motastrałkovych.
Žurnalisty adznačajuć, što miascovyja ŭłady paviedamlajuć daloka nie pra ŭsich zahinułych. Na niekatorych mohiłkach dola imionaŭ, pra jakija nie paviedamlali publična, składaje ad 30 da 100%.
Džon Koŭł pryjedzie ŭ Biełaruś 15 vieraśnia. Łukašenka, adnak papiaredziŭ: «vialikaj ździełki» nie budzie11
Kamientary