Śledam za narviežskim karalom Charaldam pamierła i jahonaja siastra
11 vieraśnia ŭ Narviehii pamierła 94‑hadovaja pryncesa Astryd — siastra karala Charalda V, jakoha pachavali tolki dva dni tamu. Pra jaje śmierć paviedamiŭ Karaleŭski dom.
Na znak žałoby ściah na bałkonie Karaleŭskaha pałaca ŭ hety dzień budzie pryspuščany. Taksama jaho pryspuściać u dzień pachavańnia pryncesy.
Astryd pamierła praz dva tydni paśla śmierci svajho małodšaha brata, karala Charalda, jaki pajšoŭ z žyćcia 28 žniŭnia. Za niekalki dzion da śmierci pryncesa pryjazdžała ŭ sabor Osła na invalidnym vazku, kab raźvitacca z bratam pierad jaho pachavańniem.
Na praciahu mnohich dziesiacihodździaŭ Astryd adyhryvała važnuju rolu ŭ žyćci narviežskaj karaleŭskaj siamji. Paśla śmierci svajoj maci, kronpryncesy Marty, u 1954 hodzie jana va ŭzroście 22 hadoŭ faktyčna ŭziała na siabie abaviazki pieršaj łedzi Narviehii.
Asablivuju ŭvahu pryncesa nadavała padtrymcy najbolš uraźlivych hrup nasielnictva i ich intehracyi ŭ hramadstva.
Novy karol Narviehii Chokan VIII zajaviŭ, što na praciahu doŭhaha žyćcia Astryd hodna, ciopła i sumlenna pradstaŭlała karaleŭskuju siamju. Pavodle jaho słoŭ, siamja šmat čamu ŭ jaje navučyłasia, a sama pryncesa nie bajałasia adkryta vykazvać svajo mierkavańnie. Jon nazvaŭ jaje śmierć vialikaj strataj i adznačyŭ, što pa joj buduć sumavać.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary