Vybary praz čatyry miesiacy, chistkija adnosiny z uschodniaj susiedkaj... adnak Viktar Juščanka, peŭna, musić taksama pryśviacić svoj čas zmahańniu za svajo prava pić ałkahol na publicy. Nadoječy akruhovy sud Daniecka pačaŭ razhlad pazovu tamtejšaha advakata Uładzimira Alanceviča da prezidenta Ŭkrainy Viktara Juščanki.
Abureńnie spadara Alancevič vyklikała toje, što hałava dziaržavy, vystupajučy ad imia Ŭkrainy, šmat razoŭ traplaŭ u abjektyvy tele- i fotakamieraŭ z čarkaj, a to i z kielicham ałkaholu. Praŭnik hatovy padać sudu zdymki, dzie Viktar Juščanka fihuruju sa šklankaju viski. Pazoŭnik źviartaje ŭvahu suda na toje, što heta adbyłosia na śviatkavańni Dnia niezaležnaści Ŭkrainy, to bok, akramia prapahandy niezdarovaha ładu žyćcia, na dumku Alanceviča prezident niehatyŭna vystaŭlaje Ŭkrainu ŭ śviecie.
Pryhadali Juščanku jašče i toje, jak u Dzień Pieramohi, vypiŭšy ź vieteranami «frantavyja 100 hramaŭ», jon sieŭ za styrno svajho «Mersedesu». «Jak paśla hetaha možna zmahacca z pjanstvam na darohach, jaki štohod zabiraje tysiačy žyćciaŭ?», - kaža Alancevič.
Nahadajem, Danieck ličycca apiryščam naŭprostavaha kankurenta Viktara Juščanki — kiraŭnika «Partyi rehijonaŭ» Viktara Janukoviča.
Kamientary