U červieni pa «pratesnych» kryminalnych spravach asudžana nie mienš za 86 čałaviek
Pravaabaroncy z «Viasny» apublikavali vyniki červieńskaha manitorynhu palityčna matyvavanych kryminalnych spraŭ u Biełarusi.
Pavodle pravaabaroncaŭ:
Pa «pratesnych» kryminalnych spravach asudžana nie mienš za 86 čałaviek: suadnosiny asudžanych mužčyn i žančyn składajuć 60,46% i 39,54% adpaviedna.
Ahułam im prysudzili 109 hadoŭ i 4 miesiacy źniavoleńnia, 53 hady i 6 miesiacaŭ «chimii», 73 hady i 6 miesiacaŭ «chatniaj chimii», 3 miesiacy aryštu, 3200 rubloŭ štrafu ŭ jakaści asnoŭnaha i 27520 rubloŭ u jakaści dadatkovaha pakarańnia.
U dačynieńni da 2 čałaviek sudy vynieśli prymusovyja miery biaśpieki i lačeńnia ŭ psichijatryčnym stacyjanary.
Pakarańnie pa palityčna matyvavanych kryminalnych spravach, źviazanaje z pazbaŭleńniem voli, jaje abmiežavańniem u vyhladzie «chimii», «chatniaj chimii», prymusovymi mierami biaśpieki i lačeńnia ŭ psichijatryčnym stacyjanary sudy ŭžyvali ŭ 98,87% vypadkach asudžeńnia fihurantaŭ «pratesnych» spraŭ u červieni.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary