Hutarka ź lideram «Maładoha frontu».
Hutarka ź lideram «Maładoha frontu».
«Naša Niva»: Što siońnia saboj ujaŭlaje «Małady front»? Nie razvaliŭsia paśla filma BT «Kidnepinh»?
Źmicier Daškievič: Zaŭsiody ciažka adkazvać na takija pytańni. Kolkaść ludziej, jakija simpatyzujuć MF, moža być adna, kolkaść siabroŭ pa dakumientach — druhaja, ludziej, jakija štotydzień zajmajucca aktyŭnaj dziejnaściu, — treciaja. Ale novyja ludzi prychodziać, i heta raduje. Kali ŭ 2001 hodzie siaredni ŭzrost maładafrontaŭcaŭ byŭ 15 hadoŭ, to ciapier — 20. Heta ŭ asnoŭnym studenty. Situacyja ŭ krainie źmianiłasia. Ludzi paźniej daviedvajucca, što takoje bieł-čyrvona-bieły ściah, paźniej čujuć biełaruskuju movu, i rašeńnie pra palityčnuju dziejnaść prymajuć paśla bolš surjoznych rozdumaŭ.
«NN»: Dzie siońnia jość mocnyja rehijanalnyja supołki MF?
ZD: Majem 30 rehijanalnych struktur. Najbolšyja ŭ Žodzinie, Salihorsku, Mastach, Baranavičach.
«NN»: A siońniašnija lidery chto?
ZD: Siońniašnija — heta sałdaty Ivan Šyła i Źmicier Chviedaruk. Praz hod jany z honaram adsłužać i piarojmuć kiraŭnictva MF. Darečy, u vojsku jany praciahvajuć razmaŭlać pa-biełarusku. Heta taksama Nasta Pałažanka, jakaja ŭ 2007 hodzie prajšła praz kryminalny sud. Novyja tvary — heta Mikoła Dziemidzienka, naša nadzieja. Taksama jurystka Nasta Łojka. I pres-sakratarka Tania Šapućka — nadzvyčaj pracavity čałaviek. Hetyja ludzi nie tolki budučynia MF, ale i budučynia Biełarusi.
«NN»: A zadačy MF jakija? Što kankretna jon robić siońnia?
ZD: My dabivajemsia vyzvaleńnia niespraviadliva asudžanaha Arcioma Dubskaha. Uvosień razhortvajem kampaniju «Biełaruskuju knihu — dzieciam». Viadziom kampaniju «Za praŭdzivy nazoŭ» — dabivajemsia, kab nazva krainy paŭsiul była «Biełaruś», a nie «Biełoruśsija». Dała plon kampanija pa biełarusizacyi apieratara mabilnaj suviazi MTS. Raspaŭsiudžvajem infarmacyju ab nacyjanalnych simvałach. Budziem dziejničać dla Biełarusi i na prezidenckich vybarach: budziem padtrymlivać nacyjanalnaha kandydata.
«NN»: U suviazi z abvieščanaj libieralizacyjaj cisk na siabroŭ MF źmienšyŭsia?
ZD: Źmianilisia formy. Raniej my sutykalisia z łabavym sutyknieńniem (zatrymańni, aryšty), a ciapier nie sadžajuć, a dajuć štrafy. Śpiecsłužby zapužvajuć baćkoŭ, babulek. Pahražajuć pazbavić pracy, dziaciej vyhnać sa škoły. Na žal, u bolšaści vypadkaŭ hetyja incydenty nie traplajuć u ŚMI, bo ludzi bajacca. Miž tym, publičnaść lohka ratuje ad takoha cisku.
«NN»: Nie baluča, što ludzi traplajuć pad taki pres, prychodziačy ŭ arhanizacyju?
ZD: My ŭsich novych siabroŭ adrazu papiaredžvajem pra nastupstvy, jakija mohuć być. Musim razumieć: tolki nacyjanalnaja ideja i chryścijanskija pryncypy mohuć pryvieści da adradžeńnia Biełarusi. I tolki arhanizavanaj palityčnaj baraćboj možna hetaha dabicca.
* * *
Źmicier Daškievič
naradziŭsia 20 lipienia 1981 u vioscy Kušniary (Ivacevicki rajon). Da 1986 pražyvaŭ z baćkami ŭ Mahadanskim krai, potym — u Starych Darohach. U 2001 dałučyŭsia da dziejnaści MF, kiraŭnikom jakoha staŭ u 2004. Za dziejnaść MF jak niezarehistravanaj arhanizacyi ŭ vieraśni 2006 jaho aryštavali i asudzili na paŭtara hoda źniavoleńnia. U studzieni 2008 vyzvaleny na paŭtara miesiaca raniej terminu pad ciskam Jeŭrasajuza.
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
-
Łukašenka pavodzić siabie ŭ «makdonaldsie» jak u savieckaj stałoŭcy. I dumaje, što heta kruta
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary