«Dahavaryć joj nie dali». U AAN uźnikli pytańni da pryhožaha dakłada biełaruskaj čynoŭnicy
12 lipienia ŭ Ńju-Jorku aficyjnaja pradstaŭnica biełaruskaha MZS i ruch za svabodnyja vybary prezientavali AAN dakłady pa situacyi ŭ krainie. Karcinki mocna adroźnivalisia.
Na pasiadžeńni načalnica hałoŭnaha ŭpraŭleńnia šmatbakovaj dypłamatyi MZS Iryna Vialička začytała aficyjny dakład (Dobraachvotnaja nacyjanalnaja spravazdača). U im — pryhožaja karcinka taho, jak Biełaruś realizuje mety ŭstojlivaha raźvićcia.
Zatym słova ŭziała Nastaśsia Kaściuhova — mieniedžarka stratehičnaj kamunikacyi Ofisa Cichanoŭskaj i dačka palitźniavolenaha palitołaha Valeryi Kaściuhovaj.
«Ja pakazała na šerah rečaŭ, jakija pavažanaja vystupoŭca čamuści zabyłasia zhadać: naprykład, kolkaść palitviaźniaŭ, likvidavanyja NDA, śmiarotnaje pakarańnie i mnohija inšyja sistematyčnyja parušeńni pravoŭ čałavieka.
Taksama ja pakazała alternatyŭnuju spravazdaču, jakaja padrychtavanaja ŭ supracoŭnictvie z NDA i niezaležnymi ekśpiertami, u jakoj adlustravanaja realnaja situacyja ŭ Biełarusi. Paśla hetaha vystupu zała prykmietna ažyviłasia», — padzialiłasia detalami pasiadžeńnia ŭ sacsietkach Kaściuhova.
Pa jaje słovach, pradstaŭnik ES taksama byŭ vielmi źbiantežany aficyjnaj prezientacyjaj i zadaŭ šerah pytańniaŭ pra realnuju situacyju ŭ krainie.
Na što Iryna Vialička papraknuła parušeńniem pravoŭ čałavieka sam Jeŭrasajuz.
«Naša prapanova Jeŭrapiejskamu sajuzu — nie pierakładvać svaje prablemy na plečy Biełarusi. U Biełarusi pracujuć», — adreahavała čynoŭnica.
Jak paviedamlaje Ofis Cichanoŭskaj, u pradstaŭnicy MZS paśla hetaha zabrali słova.
«Dahavaryć joj nie dali, što adbyvajecca ŭ AAN vielmi redka. Uvohule, dakład MZS pajšoŭ nie pa płanie, jak, na žal, i ŭstojlivaje raźvićcio Biełarusi paśla 2020-ha hoda», — zaŭvažaje Nastaśsia Kaściuhova.
-
Łukašenka na pieramovach u Amanie ŭstaviŭ takoje słova, što pierakładčyca na arabskuju razhubiłasia
-
U Lidzie pabralisia šlubam 15‑hadovyja chłopiec i dziaŭčyna. Samaj maładoj mamie Hrodzienščyny taksama 15
-
«U płanie byli jašče niekalki krain». Maršrut Łukašenki składali tak, kab nie nadta biła pa zdaroŭi
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary