Грамадства1010

«Дагаварыць ёй не далі». У ААН узніклі пытанні да прыгожага даклада беларускай чыноўніцы

12 ліпеня ў Нью-Ёрку афіцыйная прадстаўніца беларускага МЗС і рух за свабодныя выбары прэзентавалі ААН даклады па сітуацыі ў краіне. Карцінкі моцна адрозніваліся.

Ірына Вялічка

На пасяджэнні начальніца галоўнага ўпраўлення шматбаковай дыпламатыі МЗС Ірына Вялічка зачытала афіцыйны даклад (Добраахвотная нацыянальная справаздача). У ім — прыгожая карцінка таго, як Беларусь рэалізуе мэты ўстойлівага развіцця.

Затым слова ўзяла Настасся Касцюгова — менеджарка стратэгічнай камунікацыі Офіса Ціханоўскай і дачка палітзняволенага палітолага Валерыі Касцюговай.

«Я паказала на шэраг рэчаў, якія паважаная выступоўца чамусьці забылася згадаць: напрыклад, колькасць палітвязняў, ліквідаваныя НДА, смяротнае пакаранне і многія іншыя сістэматычныя парушэнні правоў чалавека.

Таксама я паказала альтэрнатыўную справаздачу, якая падрыхтаваная ў супрацоўніцтве з НДА і незалежнымі экспертамі, у якой адлюстраваная рэальная сітуацыя ў Беларусі. Пасля гэтага выступу зала прыкметна ажывілася», — падзялілася дэталямі пасяджэння ў сацсетках Касцюгова.

Настасся Касцюгова (злева). Фота: Інстаграм Касцюговай

Па яе словах, прадстаўнік ЕС таксама быў вельмі збянтэжаны афіцыйнай прэзентацыяй і задаў шэраг пытанняў пра рэальную сітуацыю ў краіне.

На што Ірына Вялічка папракнула парушэннем правоў чалавека сам Еўрасаюз. 

«Наша прапанова Еўрапейскаму саюзу — не перакладваць свае праблемы на плечы Беларусі. У Беларусі працуюць», — адрэагавала чыноўніца.

Як паведамляе Офіс Ціханоўскай, у прадстаўніцы МЗС пасля гэтага забралі слова.

«Дагаварыць ёй не далі, што адбываецца ў ААН вельмі рэдка. Увогуле, даклад МЗС пайшоў не па плане, як, на жаль, і ўстойлівае развіццё Беларусі пасля 2020-га года», — заўважае Настасся Касцюгова.

Каментары10

  • Ром
    13.07.2022
    То есть а устоиливае развицце да 2020 значыть было??? Ну получи..
  • Пціч
    13.07.2022
    І патрэбна тэрмінова браць на ўзбраенне беларускую мову, інакш уся дзейнасць г.з. улады ў выгнанні выглядае проста ганебна. Весці свой тлг-канал па беларуску можна. Лёгка.
  • Сара
    13.07.2022
    Пціч, нажаль, 28 гадоў знішчэння беларушчыны не прайшлі дарма. Весці можна, але які мэсэдж вы жадаеце даслаць? 99% адсоткаў нават прыхільнікаў змены рэжыму размаляе па-руску. Гэта дадзена, і з гэтым трэба лічыцца, каб не знайсці сабе аднойчы у выдуманным свеце з выдуманнымі прыхільнікамі якіх няма.
    P.S. Вы самі чамусьці называеце іх уладай у выгнанні - пра гэта я і казала вышэй, добры прыклад стварэння вакол сабе маленькага утульнага сусвету адарваўшыся ад рэчаіснасці. 

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

Правялі лёсаванне чвэрцьфіналаў футбольнай Лігі нацый3

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць