Vajenny ekśpiert Ždanaŭ: Nastupleńnie rasijan zabuksavała, jany tydzień topčucca na miescy
Na siońniašni dzień, pavodle źviestak Hienštaba USU, ukrainskija vajskoŭcy pacelili ŭ 30 celaŭ z dapamohaj reaktyŭnaj sistemy załpavaha ahniu HIMARS. Ukrainski vajenny ekśpiert Aleh Ždanaŭ padčas marafonu na telekanale Freedom patłumačyŭ, u čyich rukach ciapier bajavaja inicyjatyva.
«Ciapier inicyjatyva ŭ našych rukach. I toje, što ŭ nas źjaviłasia takaja mahčymaść hramić dźvie apory bajavych dziejańniaŭ — łahistyku i sistemu vajennaha kiravańnia, tym samym my možam upłyvać na charaktar bajavych dziejańniaŭ na piarednim krai.
U najbližejšyja dni jon pačnie mianiacca ŭ bok pamianšeńnia ahniavoha ŭździejańnia na našy pazicyi. Budzie pavoli nastupać bojeprypasny hoład», — adznačyŭ Ždanaŭ.
Pa jaho słovach, rasijskaje nastupleńnie buksuje navat na Danbasie.
«Jany nie zmahli zachavać temp nastupleńnia i toj napor, jaki byŭ padčas šturmu Sievieradaniecka, pra heta ŭvohule havorka nie idzie. Jany tydzień topčucca na miescy.
Dumaju, što ciapier vielmi zatarmozicca i Zaparožski napramak, choć jašče tydzień tamu namieśnica ministra abarony Hanna Malar kazała pra toje, što ŭ Hienštabie vyviedka razhladaje varyjant pačatku nastupleńnia na Zaparožža. Pakul pra heta kazać, ja dumaju, nie varta», — dadaŭ ekśpiert.
Ždanaŭ adznačyŭ, što pakazčyk słabaści vojskaŭ RF u tym, što jany nie mohuć raźvivać nastupalnyja dziejańni.
«Na Chiersonščynie sistemu vajennaha kiravańnia pastaralisia pałamać.
Heta pakazčyk. Toje, što jany nie mohuć raźvivać nastupleńnie, heta pakazčyk», — dadaŭ Ždanaŭ.
12 lipienia ŭkrainskija vajskoŭcy źniščyli šeść rasijskich składoŭ. Akramia taho, napiaredadni Uzbrojenyja siły Ukrainy źniščyli šeść rasijskich składoŭ z bojeprypasami.
«Heta pytańnie času, ale treba saśpieć». Pucin zahavaryŭ pra adziny parłamient i valutu Biełarusi i Rasii7
«Heta pytańnie času, ale treba saśpieć». Pucin zahavaryŭ pra adziny parłamient i valutu Biełarusi i Rasii
Biełaruskija biznesmieny śpiešna pradajuć doli ŭ svaich polskich transpartnych kampanijach. Što adbyvajecca?2
Kamientary