SBU: Častka rasijskich vojskaŭ zajšła va Ukrainu z kartami 1969 hoda
Pra heta siońnia zajaviła Słužba biaśpieki Ukrainy, apublikavaŭšy niekalki zdymkaŭ kart. U SBU kažuć, što vyjavili ich na «časova akupavanych terytoryjach Charkaŭskaj vobłaści».
Naprykład, na kartach całkam adsutničaje Sałtaŭski žyły masiŭ Charkava, jaki zabudoŭvaŭsia z pačatku 1970-ch hadoŭ i jaki ciapier źjaŭlajecca adnym z samych vialikich rajonaŭ horada (na praciahu lutaha i sakavika jon niekalki razoŭ abstrelvaŭsia).
Taksama na kartach adsutničajuć Travianskaje i Muramskaje vadaschoviščy, pabudavanyja ŭ 1970-ja, a dziaržaŭnaja miaža pamiž Ukrainaj i Rasijaj namalavanaja šarykavaj asadkaj, pakolki na kartach jaje naohuł nie było — u 1969 hodzie Ukraina i Rasija ŭvachodzili ŭ skład SSSR, i ideja vajennaha kanfliktu pamiž imi była absurdnaj.
Kamientary