Historyja

«Dapamahu ŭ fiksacyi i zachavańni siamiejnych historyj». Novaja prapanova ad byłoj homielskaj žurnalistki

Žychary Homielščyny, dyj nie tolki, viedajuć Łarysu Ščyrakovu jak niezaležnuju žurnalistku, jakaja źviartała ŭvahu na šmatlikija prablemy ŭ rehijonie. Adnak ciapier spadarynia Łarysa vymušana była pakinuć prafiesiju, a tamu vyrašyła zaniacca tym, što ŭmieje jak videaapieratar, fatohraf, a taksama jak prafiesijny historyk — fiksacyjaj i zachavańniem siamiejnych historyj, piša «Novy čas».

Łarysa Ščyrakova. Fota z fejsbuka

«Mnie heta blizka i vielmi cikava. Heta nie hramadski prajekt, a maja ŭłasnaja inicyjatyva, i ja, jak IP, mahu prapanoŭvać ludziam zdymku takich filmaŭ ci histaryčnych repartažaŭ», — raspaviadaje Łarysa Ščyrakova.

Za jaje plačyma — 10 hadoŭ žurnalisckaha i apieratarskaha dośviedu, u tym liku praca ŭ miežach inicyjatyvy «Zabityja i zabytyja», jakaja raspaviadaje pra represavanych u savieckija časy žycharoŭ Homielščyny. Žurnalistka stvaryła šerah videaintervju z naščadkami achviar palityčnych represij balšavikoŭ.

Ciapier Łarysa Ščyrakova prapanuje zapisać intervju z roznymi ludźmi (śviedkami, vidavočcami padziej), źniać pamiatnyja miescy, źviazanyja z historyjaj peŭnaj siamji, dadać siamiejnyja fatahrafii i dakumienty. U vyniku atrymajecca svojeasablivy letapis rodu, jaki dapamoža zachavać kaštoŭnyja ŭspaminy dla naščadkaŭ.

Videazdymka siamiejnych historyj dla spadaryni Łarysy paśla sychodu z prafiesii — adna ź niešmatlikich mahčymaściaŭ zabiaśpiečyć sabie isnavańnie. Ale jość u hetym i jašče adna važnaja humanitarnaja meta: praz zachavańnie historyj siemjaŭ zachavać historyju naroda. Ci, prynamsi, Homielščyny — bo zdymki płanujecca pravodzić tolki ŭ hetym rehijonie.

«Lubuju histaryčnuju źjavu možna i treba pakazvać praz kankretnaha čałavieka ci siamju: naprykład, Druhaja suśvietnaja na Homielščynie, ci staravierstva, ci represii.

Bo adna sprava, kali čytaješ ahulnuju navukovuju infarmacyju: kolki čałaviek było raskułačana, vysłana, rasstralana.

Ale zusim pa-inšamu emacyjna kranajuć kankretnyja historyi hetych ludziej, asabliva kali ich raspaviadajuć naščadki, naprykład, dačka represavanaj uzhadvaje svajo sirockaje dziacinstva.

I heta našmat lepš raskryvaje tuju ci inšuju padzieju albo źjavu.

Ja liču, što heta idealna — dadavać historyi ludziej u ahulny histaryčny apovied.

Taksama Łarysa Ščyrakova ładzić etnafotasiesii.

Kali vy chočacie zamović zdymku filma pra historyju siamji albo fotasiesiju ŭ nacyjanalnym biełaruskim styli, źviartajciesia da spadaryni Łarysy ŭ Fejsbuku albo telefanujcie: +375447396694.

Čytajcie taksama:

Byłaja žurnalistka ładzić fajnyja etnahrafičnyja fotasiesii i nazyvaje dźvie pryčyny, čamu varta takoje pasprabavać FOTA

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Na «Hrodna-Azot» raskazali, jak supracoŭnikaŭ praviarajuć na palihrafie. Heta tolki paharšaje situacyju z deficytam kadraŭ

Na «Hrodna-Azot» raskazali, jak supracoŭnikaŭ praviarajuć na palihrafie. Heta tolki paharšaje situacyju z deficytam kadraŭ

Usie naviny →
Usie naviny

Erdahan skazaŭ Pucinu, što hatovy arhanizavać mirnyja pieramovy, ale padkreśliŭ nieabchodnaść spynieńnia ahniu1

«Atmaśfiera śviata»: samy vialiki čyrvona-zialony ściah nieśli pa Minsku ŭ hrabavoj cišyni VIDEA24

«Dva prakurory» Łaźnicy — heta čysty Kafka2

U Śviata-Jelisaviecinskim manastyry znoŭ praviali Z-chresny chod z rasijskimi ściahami9

Łukašenka nie pryjechaŭ na śviatkavańnie Dnia dziaržaŭnaj simvoliki — zamiest siabie adpraviŭ Turčyna5

«Łukašenka sakretna vyzvaliŭ «firmu» syna ad padatkaŭ». Belpol vypuściŭ rasśledvańnie pra Prezidencki spartyŭny kłub11

Volha Łojka prapanavała «zakon Cichanoŭskaj» dla čynoŭnikaŭ i patłumačyła, što heta takoje10

Pa Minsku siońnia niasuć čyrvona-zialony ściah daŭžynioj 500 mietraŭ. Dziela hetaha pierakryli praśpiekt Pieramožcaŭ21

Zialenski adkazaŭ na prapanovu Pucina ab pieramovach

bolš čytanych navin
bolš łajkanych navin

Na «Hrodna-Azot» raskazali, jak supracoŭnikaŭ praviarajuć na palihrafie. Heta tolki paharšaje situacyju z deficytam kadraŭ

Na «Hrodna-Azot» raskazali, jak supracoŭnikaŭ praviarajuć na palihrafie. Heta tolki paharšaje situacyju z deficytam kadraŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić