Inflacyja ŭ Biełarusi zapavolvajecca, niama padstaŭ dla jaje rostu. Pra heta siońnia žurnalistam paviedamiŭ premjer-ministr Raman Hałoŭčanka, piša BiełTA.
«Sapraŭdy, inflacyja ŭ nas zapavolvajecca. Asabliva pa charčovych tavarach. My vielmi staranna sočym za hetym, štodnia analizujem toje, što adbyvajecca. Pakul my nie bačym nijakich padstaŭ dla taho, kab inflacyja ŭ Biełarusi razahnałasia dalej. My nie izalavanyja ad suśvietnaj ekanomiki, i ŭsie vydatki, jakija sparodžanyja pracesami, nie mohuć nie adbivacca na cenach i ŭ našaj krainie», — skazaŭ Raman Hałoŭčanka.
U jakaści kiepskaha prykładu jon pryvioŭ Turcyju, dzie inflacyja składaje 80%. «Bolšuju častku sadaviny, harodniny my impartujem z hetaj krainy. Adpaviedna, heta nie moža nie pierakładacca na canu tavaraŭ», — dadaŭ premjer-ministr.
«Košt pieravozak u toj ža Jeŭrasajuz pavialičyłasia ŭ 5-6 razoŭ. Kali raniej fura ŭ niamiecki abo hałandski port, adkul my zabirajem tavar, kaštavała 1—1,5 tys. jeŭra, to ciapier dachodzić da 10 tys. jeŭra. Naturalna, častka hetych vydatkaŭ pieranosicca na košt tavaraŭ», — padkreśliŭ Raman Hałoŭčanka.
«Inflacyja bje rekordy pa ŭsim śviecie. U susiedniaj Litvie jana pieravysiła 20%, u Polščy — 14-15%. Histaryčnyja maksimumy ŭ jeŭrazonie, ZŠA. Heta akazvaje ŭpłyŭ na rost cen i inflacyju ŭ Biełarusi.
Ale my ŭsimi mahčymymi i dastupnymi sposabami trymajem ceny.
Akramia taho, treba razumieć, što vydatki pradpryjemstvaŭ taksama rastuć, i kali, umoŭna kažučy, naohuł zamarozić ceny, heta pryviadzie da taho, što vytvorcy pačnuć pracavać u stratu. Ja liču, što miery, pryniatyja ŭradam sumiesna z Nacyjanalnym bankam, inšymi orhanami, źjaŭlajucca dastatkovymi ciapier», — padkreśliŭ kiraŭnik urada.
Ciapier čytajuć
Paśla źniknieńnia śpikierki Mielnikavaj niama dostupu da rachunkaŭ Kaardynacyjnaj rady19
Kamientary