Kampanii dadavali da zamiežnych noŭtbukaŭ płaty pamiaci i pradavali ich pad vyhladam biełaruskich

U vyniku prakurory pryjšli da vysnovy, što ŭ 2021 hodzie značnuju častku rynku zaniali ŭdzielniki, jakija prapanoŭvali «biełaruskija» noŭtbuki. Jany pieramahali na tarhach za košt atrymańnia prefierencyjnaj papraŭki ŭ pamiery 15%. Takaja papraŭka praduhledžanaja zakanadaŭstvam dla biełaruskich vytvorcaŭ, a taksama vytvorcaŭ z krain, jakim nadajecca nacyjanalny režym. Pry hetym kampanii, jakija prapanoŭvali kampjutary z KNR, niaredka prosta nie dapuskalisia da kankurentnych pracedur.

«Jak pakazaŭ manitorynh, asobnyja ŭdzielniki, jakija prapanoŭvali tavary zamiežnaj vytvorčaści (Kitaj), prajhrali albo pieršapačatkova nie byli dapuščanyja da tarhoŭ, pakolki pa pastanovie Saŭmina ad 17 sakavika 2016 hoda «ab dopusku tavaraŭ zamiežnaha pachodžańnia i pastaŭščykoŭ, jakija prapanujuć takija tavary, da ŭdziełu ŭ pracedurach dziaržaŭnych zakupak» pry najaŭnaści dźviuch i bolš prapanoŭ tavaraŭ ź Biełarusi, a taksama Armienii, Kazachstana, Kyrhyzstana i Rasii, inšyja ŭdzielniki da tarhoŭ nie dapuskajucca», — havorycca ŭ paviedamleńni Hienprakuratury.

U jakaści prykładu prakurory pryvodziać nienazvanuju kampaniju, jakaja vyjhrała tarhi za košt prefierencyjnaj papraŭki, prapanavaŭšy «biełaruskija noŭtbuki», jakija takimi ličycca nie mahli.

Paviedamlajecca, što kampanija pastaŭščyka zabiaśpiečvała zamiežnyja płatformy noŭtbukaŭ niekalkimi dadatkovymi płatami pamiaci (taksama zamiežnaj vytvorčaści) pad patreby zakazčyka. Pry hetym nie vykonvalisia kryteryi dastatkovaj pierapracoŭki zamiežnaj pradukcyi dla taho, kab daŭkamplektavanyja noŭtbuki adnosilisia da pradukcyi ŭłasnaj vytvorčaści, to-bok biełaruskaj.

«Takija niesumlennyja pavodziny ŭdzielnika tarhoŭ paciahnuli zališniaje raschodavańnie srodkaŭ pakupnikoŭ, u tym liku biudžetnych, pakolki inšyja ŭdzielniki tarhoŭ časta prapanoŭvali bolš nizkuju canu. Pry hetym jany pieršapačatkova zajaŭlali, što noŭtbuki, navat z ulikam dadatkovaha kamplektavańnia ŭ Respublicy Biełaruś, źjaŭlajucca pradukcyjaj zamiežnaj vytvorčaści», — adznačyli ŭ Hienprakuratury.

Pa vynikach manitorynhu kampanija-pieramožca viarnuła pakupnikam sumy pierapłat. Hrošy pieraličanyja ŭ biudžet. Inicyjavanyja antymanapolnaje rasśledavańnie i pravierka na pradmiet najaŭnaści ŭ dziejańniach rabotnikaŭ kampanii złačynstvaŭ. Hienprakuratura prapanavała Saŭminu skarektavać pastanovy, jakija rehulujuć praviadzieńnie dziaržzakupak, paviedamlaje Hienprakuratura.

• 0
• 35
• 0
• 0
• 0