Amierykanski bort SPAR19 sa śpikieram Pałaty pradstaŭnikoŭ ZŠA Nensi Pełosi pryziamliŭsia ŭ aeroporcie Tajbeja na Tajvani.
Palot Nensi Pełosi na Tajvań užo druhi dzień składaje hałoŭnuju mižnarodnuju intryhu. Šmat abmiarkoŭvajecca, i na ŭsich uzroŭniach, ci navažacca ZŠA na taki vyklik Kitaju, i jak na heta Kitaj adreahuje.
Niezadoŭha da pryziamleńnia za rejsam z Pełosi sačyli na servisie Flightradar24 kala 632 tysiač čałaviek.
Choć Kitaj pahražaŭ vykarystać samaloty-źniščalniki, pakul što aprača hroznaj rytoryki jon ničoha nie zrabiŭ. Tolki MZS Kitaja asudziŭ vizit Pełosi na Tajvań i vykazaŭ suprać jaho pratest.
Vizit Pełosi na Tajvań, na dumku kitajskaha MZS, surjozna parušaje pryncyp «adnaho Kitaja» i pałažeńni troch kitajska-amierykanskich kamiunikie. Kitaj zaklikaje ZŠA nie ŭmiešvacca va ŭnutranyja spravy KNR i nie paturać siłam, jakija vystupajuć za niezaležnaść Tajvania.
Pełosi ŭ zajavie, raspaŭsiudžanaj pres-słužbaj palityka, padkreśliła, što jaje vizit na Tajvań nie supiarečyć palitycy ZŠA ŭ dačynieńni da Kitaja. Jon, maŭlaŭ, źjaŭlajecca «śviedčańniem prychilnaści ZŠA da padtrymki tajvańskaj demakratyi». Pry hetym jana zajaviła, što ZŠA praciahvajuć vystupać suprać adnabakovych sprob «źmianić status-kvo» pa pytańni Tajvania.
Samalot Pełosi supravadžali amierykanskija źniščalniki i avijanoscy. Pierad hetym dniom niekalki kitajskich vajskovych samalotaŭ pralacieli blizka da siaredniaj linii, jakaja padzialaje Tajvański praliŭ, a vajskovyja karabli prapłyvali ŭščylnuju da nieaficyjnaj linii raźmiežavańnia, paviedamlaŭ Reuters sa spasyłkami na krynicy.
Byłaja deputatka Maryja Vasilevič sabrałasia zamuž FOTA14
Kamientary
...and the rest of the planet Earth.