Ad 800 jeŭra. Na jakija zarobki ŭ Jeŭropie mohuć raźličvać biełarusy?
Mnohich biełarusaŭ pa-raniejšamu cikavić pošuk pracy ŭ Jeŭropie, tym bolš što, miarkujučy pa navinach, praź niemahčymaść vyjezdu mužčyn z Ukrainy, Jeŭropa maje mocnuju patrebu ŭ rabočych. Pahladzieli, što prapanujuć na vakansijach biez dypłoma.
Polšča: ad 8,5 rubla za hadzinu pracy
Tradycyjna najbolšaj papularnaściu siarod biełaruskich hastarbajtaraŭ karystajucca susiednija Polšča i Litva.
Biełarusy, jakija šukajuć pracu ŭ Polščy, mohuć raźličvać na apłatu pa staŭcy ad 15 złotych u hadzinu «na ruki», što pa biahučym kursie składaje kala 8,5 rubla. Stolki ŭ Polščy hatovy płacić roznarabočym na składzie.
Pa słovach supracoŭnikaŭ biełaruskich kadravych ahiencyj, dla ŭładkavańnia na takuju pracu nie treba mieć niejkich asablivych navykaŭ ci vałodać polskaj. Vynikaje, što za miesiac pracy roznarabočym na składzie vy atrymajecie «na ruki» kala 800 dalaraŭ. Pry hetym jość miescy, dzie abiacajuć płacić pa 17 złotych u hadzinu. Ale navat u takim vypadku vaš miesiačny zarobak budzie składać da 900$.
Krychu bolš zarablajuć kiroŭcy pahruzčykaŭ, im najmalniki hatovy płacić pa 17-19 złotych u hadzinu. Miesiačny zarobak takoha rabočaha składaje ŭžo pad tysiaču dalaraŭ.
Jak zarabić bolš za 1000 dalaraŭ?
Bolš za 1000 zarablajuć na budoŭlach. Zarabotnaja płata budaŭnikoŭ davoli istotna roźnicca ad navykaŭ i pracazdolnaści čałavieka.
Tym biełarusam, chto dobra vałodaje polskaj, dasiažnyja vakansii kucharaŭ, barmienaŭ i administrataraŭ va ŭstanovach charčavańnia i hatelach. Vałodańnie polskaj daje mahčymaść zarablać krychu bolš, vykonvajučy pry hetym bolš lohkuju rabotu. Takoha kštałtu supracoŭnikam abiacajuć zarobak u 1000-1100 dalaraŭ neta.
Kali pracaŭładkoŭvacca na vyšej ahučanyja vakansii praź biełaruskija kadravyja ahiencyi, to ŭ bolšaści vypadkaŭ vy adrazu vyrašajecie prablemu z žytłom. Kali havorka nie idzie pra bujnyja harady, to, sa słoŭ pasrednikaŭ, vydatki na dach nad hałavoj buduć składać da 100 dalaraŭ u miesiac.
Za dapamohu ŭ pošuku pracy i afarmleńnie ŭsich adpaviednych dakumientaŭ takija firmy biaruć kala 150 dalaraŭ. Adnak ŭznaharoda pasiarednikam za pošuk vakanisi — heta drobiazi ŭ paraŭnańni z tym, kolki kaštuje zapisacca ŭ čarhu na atrymańnie vizy. Kali jaje ŭ vas niama, to daviadziecca vytracić jašče kala 300$ na jaje atrymańnie.
Chočaš bolš — idzi ŭ dalnaboj
Na bolš vysokija zarobki ŭ Polščy mohuć raźličvać kiroŭcy katehoryi S+Je. Kiroŭcam fury abiacajuć zarobki pad 2000 jeŭra ŭ miesiac. Takija ž taryfy i ŭ litoŭskich pracadaŭcaŭ. Uvohule, kali nie brać pad uvahu kiroŭcaŭ, jakija pieravoziać aŭtamabili abo niebiaśpiečnyja ci niehabarytnyja hruzy, zarpłata kiroŭcy-mižnarodnika składaje 60-75 jeŭra ŭ sutki. Šmat chto ź biełaruskich dalnabojščykaŭ adznačaje, što apošnim časam bolšaść firm padniała zarobki na 5-10 jeŭra ŭ sutki.
Na busach, jakija padychodziać pad katehoryju V, kiroŭcam płaciać kala 200 złotych u sutki, ci kala 42 jeŭra. Kali da busa čaplajuć pryčep, to možna raźličvać na 250 złotych (kala 54 jeŭra), ale dla hetaha spatrebicca katehoryja V+Je. Kiroŭcy małatanažnikaŭ taksama adznačajuć, što pracadaŭcy pavysili sutačnyja staŭki na 5-7 jeŭra. Vynikaje, što za miesiačnuju kadencyju takija kiroŭcy atrymlivajuć pa 1200-1600 jeŭra.
Što prapanujuć u Litvie?
Niaredka biełarusy jeduć pracavać u Polšču abo Litvu na taksi. Zarobki taksistaŭ u abiedźviuch krainach pryblizna adnolkavyja. U zaležnaści ad žadańnia pracavać, u hetaj śfiery možna zarabić ad 1000 da 1300 jeŭra, kali pracavać na arendnym aŭto. Adnak siarod našych hramadzian chapaje i tych, chto taksuje na ŭłasnych mašynach.
Siarod inšych vakansij, jakija dasiažny mihrantam, — dastaŭščyk ježy. Tak, naprykład, u Vilni, čałaviek, jaki razvozić ježu na rovary, moža zarablać 30-40 jeŭra za 5-7 hadzin pracoŭnaha dnia. Kali jość siły pracavać bolš, to možna zarablać i pa 45-50 jeŭra. Kali pracavać u Vilni ci Kłajpiedzie, to možna abyścisia biez vałodańnia litoŭskaj. Dla takoj pracy vam chopić ruskaj i anhlijskaj moŭ. Finalny zarobak za miesiac zaležyć ad vašaj pracazdolnaści. Niekatoryja ŭvohule vykarystoŭvajuć pracu ŭ dastaŭcy ŭ jakaści padpracoŭki.
Za 4,5-5 jeŭra ŭ hadzinu «čystymi» ŭ Vilnie možna znajści pracu pasudamyjkaj u kaviarni. Ahułam, nizkakvalifikavanaja praca ŭ Polščy i Litvie apłočvajecca pryblizna pa adnolkavych taryfach.
Nie tolki Polšča i Litva
Aproč zvykłych nam susiednich krain, biełarusam časam prapanujuć pracu ŭ Hiermanii, Bielhii, Niderłandy i navat Vienhryi. Vienhierskija zarobki asabliva nie adroźnivajucca ad Litvy i Polščy, prynamsi biełarusam tam prapanuju pracu roznarabočymi pa taryfach ad 800 jeŭra ŭ miesiac ź biaspłatnym pražyvańniem.
Kudy bolš pryjemnyja sumy abiacajuć za pracu ŭ vyšejnazvanych krainach Zachodniaj Jeŭropy. Tak, naprykład, aŭtaślesaram hatovy płacić ad 1400 da 2000 jeŭra, a vysokakvalifikavanym budaŭnikam da 2400 jeŭra ŭ miesiac.
«Naša Niva» — bastyjon biełaruščyny
PADTRYMAĆ
Kamientary
Nu, a v ciełom da... bolšinstvo s minimalnym znanijem jazyka rabotajut v dostavkie i na taksi. Tie, kto podučił normalno jazyk za hod-dva ustroiliś i v bolnicy, i v škoły. Tut jesť takaja fihnia kak pomoŝnik učitiela, jevro 600 oni zarabatyvajut + vsie soc.harantii.