Babrujčan asudzili jak terarystaŭ. Što za «terakty» jany ździejśnili?
10 žniŭnia vynieśli hihanckija prysudy hrupie babrujčan. Troje mužčyn atrymali pa 14, 15 i 16 hadoŭ kałonii. Usie jany zvyčajnyja biełarusy: chtości pracavaŭ rabočym na miascovych pradpryjemstvach ci pradaŭcom, chtości siadzieŭ biez pracy. Ale što ž za «terakty» ździejśnili babrujčanie?
Akazałasia, što dakumienty pra hety vypadak jašče hod tamu publikavała «Supołka čyhunačnikaŭ Biełarusi»:
11 žniŭnia 2021 hoda na pierahonie Miradzina-Babrujsk znajšli mulaž vybuchoŭki. Na rejkach lažała supraćtankavaja mina, ale niesapraŭdnaja.
«Znojdzieny pradmiet z prykmietami vybuchovaj pryłady — mierkavana supraćtankavaja mina ŭnutry ź blašankaj i pravadami», — paviedamlałasia ŭ pratakole.
Voś jak vyhladaŭ hety pradmiet:
Praz znachodku niekatoryja ciahniki spaźnilisia na paŭtary hadziny.
Padobnyja mulažy znajšli taksama 24 i 31 žniŭnia pamiž stancyjami Citoŭka i Babina, što ŭ Mahiloŭskaj vobłaści. Jašče adzin mulaž adšukaŭsia ŭ vieraśni kala babrujskaj «Tabakierki».
A 24 vieraśnia babrujskija partyzany padpalili cir na strelbiščy «Kisialevičy» v/č 5527. Na nastupny dzień ich zatrymali.
Usie dziejańni babrujčan kvalifikavali jak terakty ci sproby ździajśnieńniaŭ teraktaŭ, usich pryznali vinavatymi pa roznych artykułach.
Taksama piaciarych fihurantaŭ (troch mužčyn i dvuch žančyn) spravy pryznali vinavatymi ŭ spalvańni pudziła Łukašenki jašče ŭ sakaviku 2021 hoda. Hetaje dziejańnie było kvalifikavanaje jak abraza Łukašenki.
Ciapier čytajuć
Paśla źniknieńnia śpikierki Mielnikavaj niama dostupu da rachunkaŭ Kaardynacyjnaj rady31
Kamientary