Stali viadomyja padrabiaznaści ŭčorašniaha zatrymańnia Valeryja Sivuka, jakoje adbyłosia ŭ Hrodnie, paviedamlaje «Viasna».
U kvateru, u jakoj mužčyna žyvie razam z žonkaj i synam, ranicaj pačali hrukacca siłaviki. Pa słovach rodnych, ich było prykładna 7-8 čałaviek.
Samoha mužčyny doma nie było, jon vyjšaŭ u kramu razam z sabakam. Siłaviki vyśvietlili, dzie jon, a kali rodnyja skazali, što toj vyjšaŭ u kramu, pravieryli telefony, a potym prymusili abodvuch pierajści ŭ inšy pakoj i nie vysoŭvacca. Kali Valeryj prykładna praz 40 chvilin padyšoŭ da svajho padjezda, jaho pavalili tvaram u ziamlu, paśla čaho zaviali ŭ kvateru prykładna na paŭchviliny. Doma ŭ jaho pasprabavali daznacca parol ad telefona, a kali mužčyna admoviŭsia jaho nazyvać, biez usialakich tłumačeńniaŭ vyvieli z kvatery.
Paźniej Valeryj znajšoŭsia ŭ Leninskim RAUS. Tam udałosia vyśvietlić, što jaho zatrymali nibyta za raspaŭsiudžvańnie ekstremisckich materyjałaŭ, i što ŭ čaćvier — 18 žniŭnia — jaho buduć sudzić za heta pavodle administracyjnaha artykuła.
Što zapisana aficyjnaj pryčynaj śmierci adzinaha syna Jarmošynaj?9
Kamientary