У кватэру, у якой мужчына жыве разам з жонкай і сынам, раніцай пачалі грукацца сілавікі. Па словах родных, іх было прыкладна 7-8 чалавек.
Самога мужчыны дома не было, ён выйшаў у краму разам з сабакам. Сілавікі высветлілі, дзе ён, а калі родныя сказалі, што той выйшаў у краму, праверылі тэлефоны, а потым прымусілі абодвух перайсці ў іншы пакой і не высоўвацца. Калі Валерый прыкладна праз 40 хвілін падышоў да свайго пад'езда, яго павалілі тварам у зямлю, пасля чаго завялі ў кватэру прыкладна на паўхвіліны. Дома ў яго паспрабавалі дазнацца пароль ад тэлефона, а калі мужчына адмовіўся яго называць, без усялякіх тлумачэнняў вывелі з кватэры.
Пазней Валерый знайшоўся ў Ленінскім РАУС. Там удалося высветліць, што яго затрымалі нібыта за распаўсюджванне экстрэмісцкіх матэрыялаў, і што ў чацвер — 18 жніўня — яго будуць судзіць за гэта паводле адміністрацыйнага артыкула.
