Administratar FK «Słuck» pakazaŭ sudździ papierku z tekstam «2000 rub.». Jaho dyskvalifikavali, ale spravu zavodzić nie stali
Fiederacyja futboła apublikavała matyvacyjnuju častku rašeńnia ab dyskvalifikacyi na 1,5 hoda sa štrafam 3200 rubloŭ administratara «Słucka» Alaksandra Achramoviča.
Jak śćviardžajuć u ABFF, da pačatku hulni 7 tura suprać «Biełšyny» Achramovič padyšoŭ da sudździ matča Amina Kurhchieli i pakazaŭ jamu arkuš papiery z nadpisam «2000 rub.» i inšym tekstam, jaki arbitr nie pračytaŭ.
Achramovič paćvierdziŭ, što bačyŭsia z Kurhchieli pierad hulnioj, ale dadaŭ, što nijakich papier jamu nie pakazvaŭ i padkupić arbitra nie sprabavaŭ.
U ABEZ raspačynać kryminalnuju spravu admovilisia.
U vyniku ABFF davieryłasia viersii sudździ, adnak, u fiederacyi nie pryjšli da adnaznačnaj vysnovy, ci była z boku Achramoviča sproba podkupu arbitra, bo nieviadoma, što jašče było napisana na tym arkušy. Pry hetym siabry kamiteta pryjšli da vysnovy, što administratar «Słucka» zasłužyŭ pakarańnie i na padstavie najaŭnych źviestak.
Ciapier čytajuć
Śpikierka KR Anžalika Mielnikava tajemna vylecieła ŭ Łondan — i prapała30
Kamientary
Čie to hałustianom poviejało.
Haźmiasočka, haźmiasočka!..