Адміністратар ФК «Слуцк» паказаў суддзі паперку з тэкстам «2000 руб.». Яго дыскваліфікавалі, але справу заводзіць не сталі
Федэрацыя футбола апублікавала матывацыйную частку рашэння аб дыскваліфікацыі на 1,5 года са штрафам 3200 рублёў адміністратара «Слуцка» Аляксандра Ахрамовіча.
Як сцвярджаюць у АБФФ, да пачатку гульні 7 тура супраць «Белшыны» Ахрамовіч падышоў да суддзі матча Аміна Кургхелі і паказаў яму аркуш паперы з надпісам «2000 руб.» і іншым тэкстам, які арбітр не прачытаў.
Ахрамовіч пацвердзіў, што бачыўся з Кургхелі перад гульнёй, але дадаў, што ніякіх папер яму не паказваў і падкупіць арбітра не спрабаваў.
У АБЭЗ распачынаць крымінальную справу адмовіліся.
У выніку АБФФ даверылася версіі суддзі, аднак, у федэрацыі не прыйшлі да адназначнай высновы, ці была з боку Ахрамовіча спроба подкупу арбітра, бо невядома, што яшчэ было напісана на тым аркушы. Пры гэтым сябры камітэта прыйшлі да высновы, што адміністратар «Слуцка» заслужыў пакаранне і на падставе наяўных звестак.
Каментары
Че то галустяном повеяло.
Газмясочка, газмясочка!..