Na renavacyju pomnika Francišku Alachnoviču na vilenskich Rosach sabrali ŭžo kala 2 tysiač jeŭra. Ale treba jašče
Srodki buduć źbirać da 1 kastryčnika, a pakul na mahile słavutaha biełarusa staić časovy kryž, paviedamlaje «Radyjo Svaboda».
Tavarystva biełaruskaj kultury ŭ Litvie pravodzić zbor srodkaŭ na renavacyju pomnika Francišku Alachnoviču na vilenskich mohiłkach Rosy. Napiaredadni na abjaŭlenyja rachunki pryjšło achviaravańnie ŭ 1000 jeŭra, a ahulnaja suma zboru dasiahnuła 1850 jeŭra.
Usiaho arhanizatary chočuć sabrać 6500 jeŭra. Hrošy pojduć na adnaŭleńnie i ŭstalavańnie pomnika na simvaličnaj mahile. Nad renavacyjaj pracuje litoŭski mastak Ajdas Rycis Vasilaŭskas.
Ustalavać adnoŭleny pomnik płanujuć u kastryčniku abo listapadzie sioleta.
U 1989 hodzie dramaturha Franciška Alachnoviča simvalična pierapachavali ŭ Vilni z byłych Kalvinisckich mohiłak na mohiłki Rosy. Na kienatafie — simvaličnaj mahile — była pastaŭlenaja časovaja, zroblenaja z płastyku madel pomnika aŭtarstva skulptara Eduarda Padbiareskaha.
Francišak Alachnovič — adzin z pačynalnikaŭ biełaruskaha prafiesijnaha teatra, viazień HUŁAHa, žachi jakoha pieršy ŭ historyi apisaŭ u svajoj aŭtabijahrafičnaj knizie «U kapciuroch HPU». U časie niamieckaj akupacyi byŭ redaktaram hazety «Biełaruski hołas» (Vilnia), zabity ŭ 1944 hodzie. Pavodle roznych viersij, heta mahli zrabić i savieckija partyzany, i bajcy polskaj Armii Krajovaj, i niemcy. Alachnovič byŭ pachavany na Kalvinisckich mohiłkach u Vilni, jakija za savieckim časam byli likvidavanyja.
Kudy pieraličyć hrošy?
Kožny achvotny moža pieraličyć srodki na rachunak Tavarystva biełaruskaj kultury (z krain ES, ZŠA i Kanady):
Nazva: Gudų kultūros draugija Lietuvoje
SWIFT: CBVILT2XXXX
Bank code: 70440
IBAN: LT34 7044 0600 0028 9613
Paznaka: donation for monument.
Achviaravańni ź lubych krain možna rabić na adras moładzievaj asacyjacyi «StudAlliance»:
Praz Stripe pa spasyłcy: https://buy.stripe.com/5kA9BYe9wgws0VOfYY (apłata kartkaj).
Praz BYSOL pa spasyłcy: https://bysol.org/be/initiatives/monument/ (apłata kartkaj).
Pieradać srodki inšym čynam? Pišycie na poštu info.studalliance@gmail.com.
Ciapier čytajuć
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3030
Kamientary