Ukrainskaja presa bje tryvohu: u siaredzinie kastryčnika — pačatku listapada tam čakajecca chvala hrypu z Aŭstralii. Tym časam u nas pačałasia vakcynacyja suprać hrypu preparatami, jakija ŭtrymlivajuć štam virusa «Bryśbien».
Ukrainskaja presa bje tryvohu: u siaredzinie kastryčnika — pačatku listapada tam čakajecca chvala hrypu z Aŭstralii. Tym časam u nas pačałasia vakcynacyja suprać hrypu preparatami, jakija ŭtrymlivajuć štam virusa «Bryśbien».
Ukrainskija ŚMI paviedamlajuć pra nasoŭvańnie na ichniuju krainu chvali aŭstralijskaha hrypu «Bryśbien». Heta paćvierdziŭ dyrektar Ukrainskaha centra hrypu Alaksandr Hrynievič. Pa jaho słovach hety virus vyklikaje rezkuju i vielmi vysokuju tempieraturu — da 39 hradusaŭ, suchi kašal, mocny hałaŭny bol, nasmark, boli ŭ horle, ahulnuju intaksikacyju arhanizma. Ukrainskija miedyi paviedamlajuć, što ŭkraincy nie majuć imunitetu da novaha virusu. Pa słovach A. Hrynieviča, Ukraina jašče nie zakupiła vakcynu dla prafiłaktyki dadzienaha typa hrypu, bo pakul na heta nie byli vyłučanyja hrošy.
Tym časam u Minsku z 22 vieraśnia pačałasia płatnaja vakcynacyja suprać hrypu. A ź siaredziny kastryčnika ŭ horadzie pačniecca vakcynacyja suprać hrypu školnikaŭ, dziaciej daškolnych ustanoŭ, a taksama rabotnikaŭ, jakija zabiaśpiečvajuć žyćciadziejnaść horada (heta rabotniki vodazabieśpiačeńnia, enierhazabieśpiačeńnia, transpartu i h.d.): usiaho płanujecca pryščapić bolš jak 80 tys. čałaviek.
Varta adznačyć, što preparaty, jakija nabyvajucca dziaržavaj dziela hetych metaŭ, utrymlivajuć štam virusu «Bryśbien» — «Influvak» (kraina-vytvorca Bielhija), «Vaksihryp» (Francyja).
U Ministerstvie achovy zdaroŭja Biełarusi, kudy «NN» źviarnułasia 23 vieraśnia, situacyju pakul nie prakamientavali, paabiacaŭšy dać adkaz ciaham dnia. Adkazu pakul niama.
Ciapier čytajuć
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ46
Kamientary