Imunizacyja suprać hrypu na płatnaj asnovie (za košt ułasnych srodkaŭ hramadzian, a taksama srodkaŭ pradpryjemstvaŭ) pačałasia ŭ Minsku. Pra heta paviedamili ŭ Minskim haradskim centry hihijeny i epidemijałohii.
Abaranicca płatna ad infiekcyi možna ŭ kožnaj haradskoj paliklinicy, a taksama ŭ niekatorych inšych ustanovach achovy zdaroŭja horada. Płatnyja pryščepki mohuć zrabić jak biełarusy, tak i inšaziemcy. Urač da praviadzieńnia pryščepki ahledzić i apytaje pacyjenta, paśla čaho zrobić zaklučeńnie ab mahčymaści praviadzieńnia pryščepki. Najaŭnaść roznych nazvaŭ vakcyn, ich košt nieabchodna ŭdakładniać u kožnym vypadku indyvidualna. Miedyki vykarystoŭvajuć vakcynu «Influvak» (kraina‑vytvorca Bielhija). U bližejšy čas dla imunizacyi na płatnaj asnovie čakajecca pastupleńnie vakcyn «Vaksihryp» (Francyja) u adnadozavaj rasfasoŭcy i «Hrypoł plus» (Rasija).
Ź siaredziny kastryčnika ŭ horadzie pačniecca vakcynacyja suprać hrypu školnikaŭ, dziaciej daškolnych ustanoŭ, a taksama rabotnikaŭ, jakija zabiaśpiečvajuć žyćciadziejnaść horada
(heta rabotniki vodazabieśpiačeńnia, enierhazabieśpiačeńnia, transpartu i h.d.): płanujecca pryščapić bolš jak 80 tys. čałaviek. Dla hetaha za košt srodkaŭ miascovaha biudžetu zakupleny vakcyny «Vaksihryp» i «Fluaryks» (Hiermanija).
U kastryčniku pastupiać hrypoznyja vakcyny, pryznačanyja dla imunizacyi ludziej z hrup ryzyki. Da ich adnosiacca ludzi, jakija majuć roznyja chraničnyja zachvorvańni sardečna‑sasudzistaj, dychalnaj i inšych sistem, ludzi starejšyja za 65 hadoŭ, a taksama miedrabotniki, rabotniki aptek i inš. Dla ich za košt srodkaŭ respublikanskaha biudžetu zakuplena 40 tys. doz žyvoj hrypoznaj vakcyny (kraina‑vytvorca Rasija) i 3 tys. doz vakcyny «Fluaryks».
Jak u našaj krainie, tak i za miažoj isnuje praciahły praktyčny vopyt prymianieńnia hetych hrypoznych vakcyn. Jany zarekamiendavali siabie jak vysokaefiektyŭnyja i biaśpiečnyja preparaty, padkreślili ŭ Minskim haradskim centry hihijeny i epidemijałohii. Tut taksama dadali, što ŭ stalicy jość vybar roznych vidaŭ vakcyn, heta daje mahčymaść uračam indyvidualna parekamiendavać toj preparat, jaki dazvolić pryščeplenym (u zaležnaści ad stanu zdaroŭja, najaŭnaści abo adsutnaści chraničnych zachvorvańniaŭ i inšych faktaraŭ) biaśpiečna sfarmiravać najbolš efiektyŭnuju achovu ad zachvorvańnia na hryp.
Ciapier čytajuć
Kaleśnikava: Łukašenka moža pajści na spynieńnie represij dziela budučyni i «ź niejkaj mudraści»27
Kaleśnikava: Łukašenka moža pajści na spynieńnie represij dziela budučyni i «ź niejkaj mudraści»
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary