Biełaruś źmianšaje ekspartnyja pošliny na naftu i naftapradukty
Biełaruś z 1 vieraśnia źmianšaje ekspartnyja pošliny na naftu i naftapradukty, jakija vyvoziacca za miežy mytnaj terytoryi Jeŭrazijskaha ekanamičnaha sajuza.
U adpaviednaści z uradavaj pastanovaj, apublikavanaj na Nacyjanalnym pravavym internet-partale, staŭki ekspartnych pošlin na naftu, mazut, bitum naftavy, vazielin i parafin, adpracavanyja naftapradukty źnižajucca da 52 dalaraŭ za tonu (raniej — 53 dalary), na pramahonny bienzin — da 28,6 dalara za tonu (było 29,1 dalara), na tavarnyja bienziny, dyzielnaje paliva, lohkija, siarednija dystylaty, bienzoł, tałuoł, ksiłoły, zmazačnyja alei — da 15,6 dalara za tonu (było 15,9 dalara).
Raniej staŭki vyvaznych mytnych pošlin na naftu i naftapradukty źmianialisia 1 žniŭnia, kali byli źnižanyja na 4%. Biełaruś z 2010 hoda ŭnifikuje staŭki ekspartnych pošlin na naftu i naftapradukty ź dziejučymi ŭ Rasii z ulikam biaspošlinnaha impartu nafty z RF.
Kamientary
"Nietry, vody, lasy składajuć vyklučnuju ŭłasnaść dziaržavy. Ziemli sielskahaspadarčaha pryznačeńnia znachodziacca va ŭłasnaści dziaržavy."
Biełarusy atrymajuć dyvidendy?
I ahułam: https://m.youtube.com/watch?v=iDWgR4FO7rY