Takajeŭ abjaviŭ amnistyju i prapanavaŭ pravieści pazačarhovyja prezidenckija vybary ŭ Kazachstanie
Kasym-Žamart Takajeŭ abviaściŭ ab praviadzieńni pazačarhovych vybaraŭ prezidenta Kazachstana vosieńniu 2022 hoda. Pra heta jon zajaviŭ padčas zvarotu da naroda Kazachstana.
«Prapanuju hetaj vosieńniu pravieści pazačarhovyja prezidenckija vybary. Dla paśpiachovaj realizacyi kompleksnych reformaŭ na šlachu da stvareńnia spraviadlivaha Kazachstana nieabchodny novy davierny mandat naroda.
Dla mianie intaresy dziaržavy vyšej za ŭsio. Tamu ja hatovy skaracić termin svaich paŭnamoctvaŭ i pajści na pazačarhovyja prezidenckija vybary.
Taksama nieabchodna pierahledzieć kolkaść i praciahłaść terminu paŭnamoctvaŭ prezidenta. Ja rekamienduju abmiežavać termin paŭnamoctvaŭ prezidenta adnym terminam u siem hadoŭ. Ale pieravybrańnie zabaronienaje», — skazaŭ Takajeŭ, vystupajučy z pasłańniem narodu Kazachstana.
«Liču nieabchodnym prystupić da kompleksnaj pierazahruzki klučavych dziaržaŭnych instytutaŭ. Palityčnaja tradycyja, kali ŭłada trymała svaje płany ŭ sakrecie ad hramadstva, pavinna syści ŭ minułaje. Tamu siońnia ja maju namier usienarodna pradstavić hrafik budučych vybarčych kampanij. Prapanavanyja mnoj kanstytucyjnyja novaŭviadzieńni značna źniziać ryzyki manapalizacyi ŭłady. Mienavita tamu prapanuju ŭkaranić normu adnarazovaha prezidenctva. My pavinny ŭstalavać cyvilizavanyja pryncypy farmavańnia i funkcyjanavańnia ŭłady», — skazaŭ kiraŭnik krainy.
Taksama Takajeŭ abviaściŭ amnistyju dla ŭdzielnikaŭ studzieńskich pratestaŭ.
Takajeŭ zajmaje pasadu prezidenta Kazachstana z sakavika 2019 hoda, kali Nazarbajeŭ dobraachvotna pakinuŭ hetuju pasadu.
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami24
Kamientary